تكوين وتجميع متخصصين فى صناعة البوك من الكروشيه بكميات

تذكير بمساهمة فاتح الموضوع :

السلام عليكم ورحمة الله وبركاته
مرحبا بالجميع
وانا بتجول بعض المواقع لاحظت هذا المنتج وهو من الكروشيه
محفظة من الكروشيه واضع لكم الصور















































طبعا زى ما انتم شايفين المنتج اكثر اكثر من رائع وصغير الحجم

المنتج يعتبر بوك او محفظة


المطلوب الان عمل كميات كبيرة من المنتج دة طبعا انا مش بحملكم فوق طاقتكم ولكن انا بناشد اننا نشتغل بالاجماع عشان نقدر نعمل كمية محترمة ونبيعهاا فى السوق المصرى بقلب جامد

المنتج دة ناجح جداا فى تسويقه واثبات نجاحه هى الكمية اللى هنعملهااا
========
اقل كمية من كل واحدة من المختصصين فى العمل هذا 36 قطعة يعنى 3 دسته يمكن ارساله لادارة الحملة
والحد الاقصى مفتوح
========
نوع الخيوط
لو تلاحظى ودقكى فى الصورة هيظهر لكى النوع كويس المهم يكون شكله كويس ويستحمل الغسيل عشان عرق اليد
========
بخصوص الاكسسوار الموجود فى الموديل
اذا لم يتوفر معكى الاكسسوار الموجود اللى هو الفضي فهو موجود فى القاهرة فى العتبة ولو مش قادرة انك تنزلى وتشترى الاكسسوارات الفضي خدمة مندوبك المباشر كاوسيط موجودة ممكن كلنا نجمع الطلبات ونجبها مرة واحدة ويتم توزيعهااا للناس اللى محتاجة الاكسسوار !
========
بخصوص الالوان فى كل موديل
نلاحظ ان فى موديل داخل فيه ثلاث الوان
وفى موديل لونين
وفى موديل اربعه
ونحن نريد جميع الالوان والاشكال مثل الموجود بالظبط فى الصور
لو فى عندنا ابداع واحسن من فى الصورة مفيش مشكلة ان شاء الله
ويفضل ان يكون ال3 دست اشكال والوان عشان يكون فى تنوع للاذواق
=========
من داخل البوك؟
من المفروض اننا نعمل له بطانة صغيرة من الداخل عشان البطانة موجودة فى داخل اى بوك بيتباع فى السوق المصرى ولازم نعمل سوسته لها ويكون من الداخل مقسمه الى قسمين قسم بسوسته وقسم بدون سوسته عشان يكون التقفيل والشكل ومن الداخل زى الفل
=========
بخصوص السعر ؟
طبعا مش هأكد عليكم انه مش يكون غالى عشان الكمية هتنزل للجملة مباشر
السعر كدة هيكون بالدستة وليس بالقطعة !!
الدستة بيكون فيها 12 قطعة
والى الان لم يتم تحديد السعر
فنرجو من الاخوات اللى اشتغلت الشغل دة من قبل وعندها خلفيه ممكن تقول لنا السعر التقريبى هيكون كام؟
او اى اخت اخرى عندها خلفيه عن السعر للقطعة لو للدسته بردو مفيش مشكلة ممكن تعرضه عليناا وطبعا هيتم تجميع الارائ والثبات على سعر موحد وكلنا نشتغل على نفس السعر بس المهم انتظر منكم السعر التقريبى كام ؟
====================
للاعضاء الجديد وطرق التعامل معناا عشان مش يكون فى سوء تفاهم
طرق التعامل معناااا

اولا المنتج بيتم عرضة على تجار سواء جملة الجملة او المحلات وبيتم عرض اليهم المنتج هذا ويوجود منهم من يدفع لنا على طول ومنهم لا يدفع الا لما يجرب سوق المنتج لديه

فلذلك هيكون دفع حق ارباحك على حسب السوق

اذا تم بيع المنتج مدفوع على طول هيتم ارسال المبلغ لكى بأذن الله

اذا تم بيع المنتج لأجل هيتم تحصيل المبلغ فى مدة تتراوح بين ايام3 او اسبوع حسب السوق وطلبه وهيتم ارسال لكى المبلغ بعد استلمه من التاجر

وطبعا شكل وجودة الموديل ونيتناا والاخلاص فى العمل ربنا هيسهل لنا طريقناا وهيكرمناااا بأذن الله

===============
للاشتراك فى هذا المنتج والعمل به
ضع كام كمية هتقدرى تعمليها : ....................
ضعى كام الوقت التى سيستغرق فى الانتهاء من التصنيع للكمية المحددة :.................
ضعى رد بالتاكيد على العمل والتصنيع فى هذا المنتج :.....................
ضعى السعر اللى هتشتغلى بيه اذا لم يتم كتابة السعر فى الموضوع هنا :............


الى جميع الفريق هذا المنتج يعتبر حصرى ونريد ان ننفرد به فى السوق المصرى بكميات كبيرة
فنرجو بأبلاغ كل الاصدقاء والاقارب اللى بتعرف تشتغل كروشيه وتوجها للحمله للعمل معناااا

والتوفيق للجميع

Nadoo2011 كتب:

sasso_zizo كتب:

طيب لو ممكن شكل للبوك ومكان السوسته اصل انا مش فهمه هى سوسته فى احد الجزئين ام انها سوسته قفله الجزئين مع بعض

خطوات تجميع البك









أتمني ان اكون افدتك

شكرا على ردك واهتممك وتعبك معايا انا باذن الله ناويه اكون معاكوا واعل بس عايزه اعمل حاجه تكون زاى ما انتم عايزنها ان شاء الله وكنت بس عايزه افهم هو البوك مش مقاس 12 او 13 * 9 او 8 طيب البوك بينقسم لتلات بعد ما اطلع بالغرز يعنى 8 او 9* 3 ليه حضرتك قلتى اطلع 40 سم شكر

حبيبتي 40 سم الموجود في الصوره الاولي حيتقسم علي 3 حيبقي13 سم ثلث البك والسم بيروح في التانيه

انا تحت امرك في اي شئ

انا عايزه ابدا معاكوا بس تاكدولي نوع الخيط وده اللي هايحدد السعر

هاجر وهنا كتب:

انا عايزه ابدا معاكوا بس تاكدولي نوع الخيط وده اللي هايحدد السعر

حبيبتي ممكن قطن اوصوف المهم ان تكون الغرزه متماسكه والغرزه ضيقه علشان مفيش حاجه تقع من البك



بالتوفيق

ممكن يا جماعة طريقة عمل البطانة ضرورى جدا بالصور لو سمحتم

السلام عليكم
انا مشتركة جديدة بالمنتدي سعيدة جدا لانضامي اليكم واتمني ان اشارك معاكم في حملة صناعة الشنط بالكرويشة
بالنسبة للخيط انسب حاجة للشنطة خيط صوف
اقدر اعمل دستة حد اقصي عشرة ايام
عاوزة استفسر اكتر عن طريقة الشحن
كيفية استلام المبلغ
في اقرب فرصة ممكنة ارسل اليكم صورة لعمل اول شنطة

لسلام عليكم
انا مشتركة جديدة بالمنتدي سعيدة جدا لانضامي اليكم واتمني ان اشارك معاكم في حملة صناعة الشنط بالكرويشة
بالنسبة للخيط انسب حاجة للشنطة خيط صوف
اقدر اعمل دستة حد اقصي عشرة ايام
عاوزة استفسر اكتر عن طريقة الشحن
كيفية استلام المبلغ
في اقرب فرصة ممكنة ارسل اليكم صورة لعمل اول شنطة
ياسمين عبد المنعم
الاسكندرية

ياسمين عبد المنعم كتب:

لسلام عليكم
انا مشتركة جديدة بالمنتدي سعيدة جدا لانضامي اليكم واتمني ان اشارك معاكم في حملة صناعة الشنط بالكرويشة
بالنسبة للخيط انسب حاجة للشنطة خيط صوف
اقدر اعمل دستة حد اقصي عشرة ايام
عاوزة استفسر اكتر عن طريقة الشحن
كيفية استلام المبلغ
في اقرب فرصة ممكنة ارسل اليكم صورة لعمل اول شنطة
ياسمين عبد المنعم
الاسكندرية

اهلا ومرحبا بيكي ياسمين

منوره المنتدي لم توضحي تشتغلي شنط حريمي او حتكوني في جروب تصنيع البك
اوشنط مدارس اما عن الشحن باذن الله لما تخلصي حنقولك تشحني فين

اشكرك علي سرعة الرد
اشارك في جروب تصنيع البك
اعرف كمان انفذ شنط حريمي وكوفيات وتونيكات و شربات ومفارش وطواقي

اقتباس :

اشكرك علي سرعة الرد
اشارك في جروب تصنيع البك
اعرف كمان انفذ شنط حريمي وكوفيات وتونيكات و شربات ومفارش وطواقي

اهلا وسهلا بيكى اختى معنا
وتم الرد على رسالتك بكل ما تطلبيه من استفسارات
ويمكنك العمل فى البوك او الشنط
ونرجو وضع صور للشنط او البوك اللى تم تنةفيذة عشان نقدر نعلق عليه ونعتمده فى الحملة ان شاء الله
ونورتينى اختى الفاضلة
تحياتى لكى
وتحياتى لمشرفتنا ماما نادو

السلام عليكم
اتمنى من الله ان يكون الجميع باحسن حال
انا عايزة انضم معاكوا وعملت عينة بوك يارب تعجبكم

لو سمحتم عايزه اعرف ازاي اضع البطانه والكلبس

اهلا وسهلا بيكى اختى
بخصوص البطانة
لو مش هتقدرى ممكن تعملى نصفين من الداخل ولكن يوضع فى اى جزء من النصفين يكون له سوسسته
اما الكلبس سهل انك تضعيه لانه بيوجود فيه سن وبيتنى وبكدة اصبح يعمل بشكل تمام
وان شاء الله اى خت ممكن تفيدك فى نفس الموضوع ان شاء الله

شكرك لردك عليها
سوف ارسل اليكي صورة لاول بوك في اقرب وقت ممكن
ياسمين عبد المنعم

السلام عليكم
استاذ خالد ياريت تقولى رأيك ف العينة اللى عملتها وصورتها فوق عشان اعرف استمر ولا لا .. وليك جزيل الشكر

اقتباس :

شكرك لردك عليها
سوف ارسل اليكي صورة لاول بوك في اقرب وقت ممكن
ياسمين عبد المنعم

بالتوفيق ان شاء الله اختى

اقتباس :

السلام عليكم
استاذ خالد ياريت تقولى رأيك ف العينة اللى عملتها وصورتها فوق عشان اعرف استمر ولا لا .. وليك جزيل الشكر

وعليكم السلام
معلش اختى انا اتغلبط بحسب الصورة تبع الاخت اللى ردت بعدك واسف على هذا الخطأ
شغلك جميل بارك الله فيكى وياريت تعرفينى هتخلصى امتا الكمية وايضا السعر ؟
وفى انتظارك اختى
واسف جداا على الخطأ هذا
وجزاكى الله كل خير

السلام عليكم
استاذ خالد آسفة ع التأخير ف الرد واتمنى من الله ان يكون الجميع باحسن حال
انا حطيت صور لبوك ابيض تانى وصورته من الداخل والخارج والسعر ان شاء الله هيكون 9 جنيه للبوك الواحد وان شاء الله اقدر اخلص عدد 3 دست ف اسبوعين

السلام عليكم
استاذ خالد انا بعتلك رساله ع الاكونت الخاص بيك ع الفيس بوك وفي انتظار رد حضرتك ان شاء الله
وشكرا
اختك آيه

samah كتب:

اش رايكم في شغلي ؟؟

ماشاء الله روووووووووووووعه عوزين اقل كميه 36 بك ورينا همتك وباذن الله الاستاذ خالد حيديكي رايه

في الشغل احنا في انتظاره

بالتوفيق

ماشاء الله على شغلك ياخت سماح بجد جميل جدا جدا تسلم الايادى والعيون

اقتباس :

السلام عليكم
استاذ خالد انا بعتلك رساله ع الاكونت الخاص بيك ع الفيس بوك وفي انتظار رد حضرتك ان شاء الله
وشكرا
اختك آيه

وعليكم السلام ورحمة الله وبركاته
اسف جدا على التاخير
انا دخلت على الفيس على حسابى لم اجد اى رسالة تاكدة من ارسال الرسالة بشكل صحيح
او ممكن تبعتى الرسالة عن طريق الرسائل الخاصة فى المنتدى
وهذا هو حسابى
https://www.facebook.com/khaled.mndobak

وفى انتظارك ان شاء الله

-----
بخصوص الاخت سماح
شغلك رائع جدااا بارك الله فيكى
انا اعرف انك من تونس ياريت تعرفينى كام كمية تقدرى توفريها و الاسعار هتكون كام ؟ والكمية هتخلص فى كام يوم ؟
فى انتظار ردك اختى ان شاء الله


وتحياتى لكم جميعاا

بالتوفيق

السلام عليكم
استاذ خالد اما بعتلك الرسالة تانى ع الحساب الخاص بيك ع الفيس ع اللينك اللى حضرتك حاطه فوق
ومش عارفة ازاى ابعتهالك ع المنتدى ف الرسائل الخاصة آسفة ع الازعاج بس ارجو المساعدة

اقتباس :

السلام عليكم
استاذ خالد اما بعتلك الرسالة تانى ع الحساب الخاص بيك ع الفيس ع اللينك اللى حضرتك حاطه فوق
ومش عارفة ازاى ابعتهالك ع المنتدى ف الرسائل الخاصة آسفة ع الازعاج بس ارجو المساعدة

وعليكم السلام ورحمة الله وبركاته
تم استلام الرسالة اتى بالفعل وانا اسف جداا لانها كانت فى منطقة مش اخذت بالى منها .
تم الرد