تكوين وتجميع متخصصين فى صناعة البوك من الكروشيه بكميات

السلام عليكم ورحمة الله وبركاته
مرحبا بالجميع
وانا بتجول بعض المواقع لاحظت هذا المنتج وهو من الكروشيه
محفظة من الكروشيه واضع لكم الصور















































طبعا زى ما انتم شايفين المنتج اكثر اكثر من رائع وصغير الحجم

المنتج يعتبر بوك او محفظة


المطلوب الان عمل كميات كبيرة من المنتج دة طبعا انا مش بحملكم فوق طاقتكم ولكن انا بناشد اننا نشتغل بالاجماع عشان نقدر نعمل كمية محترمة ونبيعهاا فى السوق المصرى بقلب جامد

المنتج دة ناجح جداا فى تسويقه واثبات نجاحه هى الكمية اللى هنعملهااا
========
اقل كمية من كل واحدة من المختصصين فى العمل هذا 36 قطعة يعنى 3 دسته يمكن ارساله لادارة الحملة
والحد الاقصى مفتوح
========
نوع الخيوط
لو تلاحظى ودقكى فى الصورة هيظهر لكى النوع كويس المهم يكون شكله كويس ويستحمل الغسيل عشان عرق اليد
========
بخصوص الاكسسوار الموجود فى الموديل
اذا لم يتوفر معكى الاكسسوار الموجود اللى هو الفضي فهو موجود فى القاهرة فى العتبة ولو مش قادرة انك تنزلى وتشترى الاكسسوارات الفضي خدمة مندوبك المباشر كاوسيط موجودة ممكن كلنا نجمع الطلبات ونجبها مرة واحدة ويتم توزيعهااا للناس اللى محتاجة الاكسسوار !
========
بخصوص الالوان فى كل موديل
نلاحظ ان فى موديل داخل فيه ثلاث الوان
وفى موديل لونين
وفى موديل اربعه
ونحن نريد جميع الالوان والاشكال مثل الموجود بالظبط فى الصور
لو فى عندنا ابداع واحسن من فى الصورة مفيش مشكلة ان شاء الله
ويفضل ان يكون ال3 دست اشكال والوان عشان يكون فى تنوع للاذواق
=========
من داخل البوك؟
من المفروض اننا نعمل له بطانة صغيرة من الداخل عشان البطانة موجودة فى داخل اى بوك بيتباع فى السوق المصرى ولازم نعمل سوسته لها ويكون من الداخل مقسمه الى قسمين قسم بسوسته وقسم بدون سوسته عشان يكون التقفيل والشكل ومن الداخل زى الفل
=========
بخصوص السعر ؟
طبعا مش هأكد عليكم انه مش يكون غالى عشان الكمية هتنزل للجملة مباشر
السعر كدة هيكون بالدستة وليس بالقطعة !!
الدستة بيكون فيها 12 قطعة
والى الان لم يتم تحديد السعر
فنرجو من الاخوات اللى اشتغلت الشغل دة من قبل وعندها خلفيه ممكن تقول لنا السعر التقريبى هيكون كام؟
او اى اخت اخرى عندها خلفيه عن السعر للقطعة لو للدسته بردو مفيش مشكلة ممكن تعرضه عليناا وطبعا هيتم تجميع الارائ والثبات على سعر موحد وكلنا نشتغل على نفس السعر بس المهم انتظر منكم السعر التقريبى كام ؟
====================
للاعضاء الجديد وطرق التعامل معناا عشان مش يكون فى سوء تفاهم
طرق التعامل معناااا

اولا المنتج بيتم عرضة على تجار سواء جملة الجملة او المحلات وبيتم عرض اليهم المنتج هذا ويوجود منهم من يدفع لنا على طول ومنهم لا يدفع الا لما يجرب سوق المنتج لديه

فلذلك هيكون دفع حق ارباحك على حسب السوق

اذا تم بيع المنتج مدفوع على طول هيتم ارسال المبلغ لكى بأذن الله

اذا تم بيع المنتج لأجل هيتم تحصيل المبلغ فى مدة تتراوح بين ايام3 او اسبوع حسب السوق وطلبه وهيتم ارسال لكى المبلغ بعد استلمه من التاجر

وطبعا شكل وجودة الموديل ونيتناا والاخلاص فى العمل ربنا هيسهل لنا طريقناا وهيكرمناااا بأذن الله

===============
للاشتراك فى هذا المنتج والعمل به
ضع كام كمية هتقدرى تعمليها : ....................
ضعى كام الوقت التى سيستغرق فى الانتهاء من التصنيع للكمية المحددة :.................
ضعى رد بالتاكيد على العمل والتصنيع فى هذا المنتج :.....................
ضعى السعر اللى هتشتغلى بيه اذا لم يتم كتابة السعر فى الموضوع هنا :............


الى جميع الفريق هذا المنتج يعتبر حصرى ونريد ان ننفرد به فى السوق المصرى بكميات كبيرة
فنرجو بأبلاغ كل الاصدقاء والاقارب اللى بتعرف تشتغل كروشيه وتوجها للحمله للعمل معناااا

والتوفيق للجميع

انا مستعدة اشترك معاكم و السعر 15 جنية للواحد اعتقد هيكون مناسب و اقدر اعمل ال3 دست فى خلال 3 اسبيع على الاكثر لكن مش هاعرف اجيب الاكسسوار فيا ريت لو فعلا هتقدروا توفروه

لو من الإسكندرية يا غاليه موجودة فى زنقة الستات أو شارع فرنسا

لو من القاهرة فبردة موجود فى شارع الأزهر يا قمر وطبعا المكانين جمله يا غاليه

نوع الخيط قطن وإن شاء الله هكون معاكم وإيه أقرب وقت لتسليم الشغل يعنى المدة المحددة إيه ؟؟؟

طيب هو لارم الاكسسوار يكون فضى و لا ممكن خشب او بلاستيك

اقتباس :

انا مستعدة اشترك معاكم و السعر 15 جنية للواحد اعتقد هيكون مناسب و اقدر
اعمل ال3 دست فى خلال 3 اسبيع على الاكثر لكن مش هاعرف اجيب الاكسسوار فيا
ريت لو فعلا هتقدروا توفروه

اهلا وسهلا بيكى اختى الفاضله فى حملتنا
بخصوص السعر غالى جدااا دة غير ان القطعة مش هتاخد خيط كتير
ولازم نعمل حساب دة عشان احنا هنزل للتاجر والتاجر هيبيع وكمان الكمية احتمال كبير جدا هتنزل لتاجر جمله على طول فلازم يكون السعر كويس وفى متناول الجميع
ارجو اعادة النظر مرة اخرى فى السعر

اقتباس :

نوع الخيط قطن وإن شاء الله هكون معاكم وإيه أقرب وقت لتسليم الشغل يعنى المدة المحددة إيه ؟؟؟

انتى تشرفينا وتنوريناا اختى الكريمة
لم يتم تحديد الوقت الا صاحبة العمل فهى التى تستطيع العمل وهتعرف متا تنجز هذا العمل
ولو احد نفذ البوك الاول هو يقدر يقولناا هياخد الوقت كام؟
المهم ان يكون الوقت قريب عشان ننجز فى التسويق والعمل مرة اخرى فى نفس المجال

اقتباس :

ممكن يتعمل بقطن سما او مصر البيضا ال100 جرام هايدى نفس الجودة

بارك الله فيكى اختى الفاضله على الاضافة والمعلومات
ياترا السعر هيكون التقريبا كام حتى يتم بيعه بسعر كويس للتاجر؟

اقتباس :

طيب هو لارم الاكسسوار يكون فضى و لا ممكن خشب او بلاستيك

طبعا هو لازم الاكسسوار عشان دة المنظر الجمالي للموديل فلازم يكون فيه دة عشان نقدر نعمل مثله او احسن منه
وانتى بأبداعك هتقدرى تفنني فيه وتعملى احسن شكل
بس يفضل العمل فى الاشكال الفضه
وللعلم الاكسسوار ليست غاليه تقريبااا
فلازم نعمل شئ مضمون وموثق فى بيعه ان شاء الله

-------------------


نرجو من الاخوات وضع السعر التقريبى لهذا الموديل

ربنا معك وانا طبعا معك
اولا اللي قالت 15 جنيه غالي ومش بعقل لا غالي جدا
واللي قالت خيط مصر البضا رفيع جد اده عايز خبط سميك علشان يبقي ماسك نفسه
وبسال الاستاذ خالد المده اللي المفروض نخلص فيها الشغل

اقتباس :

ربنا معك وانا طبعا معك
اولا اللي قالت 15 جنيه غالي ومش بعقل لا غالي جدا
واللي قالت خيط مصر البضا رفيع جد اده عايز خبط سميك علشان يبقي ماسك نفسه
وبسال الاستاذ خالد المده اللي المفروض نخلص فيها الشغل

انتى تنورينا وتشرفينا طبعا يااست الكل ربنا يبارك فيكى يارب
طيب انا عندى اقتراح كويس
ممكن انتى تعملى بوك بنفس النظام اللى موجود فى الموضوع ونحسب ونشوف البوك هياخد كام خيط وكام مصنعيه وبكدة نقدر نحدد السعر ويكون موحود
بخصوص المدة انا لم احدد انا عايز حد منكم هو اللى يعرفنى المدة هتكون كام عشان انتم اللى بتصنعو مش انا
فاتمنى حد ينفذ ويقدر يفيدناا ليتم اعتماد المنتج والعمل به من بعد العيد مباشر

اعتقد ان الخيط الصوف هيكون مناسب اكتر شئ
او خيط المكرمية احنا ممكن نجرب عينة و نشوف
وحجمه الصغير ممكن يخلص بسرعة يعنى فى اليوم ممكن اعمل اثنين مثلا
ومتنشوش ان الشلة الصوف ممكن تعمل مثلا اثنين منه حسب سمك الخيط

ان شاء الله هجرب عينه على السريع و نشوف

تم الانتهاء من اول جزء من طرف امى الفاضلة
[b]Nadoo2011
[/b]

من الداخل


من الخلف
=====
وبيتم التعديل لعمل السان اللى بيتحط عليه الوردة والاكسسوار
وطبعا عند الانتهاء هيتم وضع تفاصيل
والوقت المستغرق فى البوك والتكاليف ايضا باذن الله

السلام عليكم


شوف كدة حضرتك انا جربت بخيط المكرمية بس مطلعش حلو


دى عينة بخيط صوف وعجبنى شوف كدة حضرتك يارب يعجبك


انا لسة مش بطنته وان شاء الله انزل اجيب اكسسوارات لانى نزلت امبارح الموسكى لقيت لسة
المحلات مفتحتشس قالوا هيفتحوا الاثنين
منتظرة ردك لو عجبتك ابدأ اشتغل اجيب البطانة و السوست و الاكسسوار

ميرو كروشيه كتب:

Nadoo2011 كتب:

ربنا معك وانا طبعا معك
اولا اللي قالت 15 جنيه غالي ومش بعقل لا غالي جدا
واللي قالت خيط مصر البضا رفيع جد اده عايز خبط سميك علشان يبقي ماسك نفسه
وبسال الاستاذ خالد المده اللي المفروض نخلص فيها الشغل

لا ياحبيبتى انتى لوعملتيه بالشله ال 100 جرام مش هايبقى زى مابتقولى
وكمان دة هايتبطن خدى بالكوعلى فكرة انا قولت نوع خيط تانى اسمه سما
وبعدين فين اقتراحاتك طيب
قولى السعر ونوع الخيط

ز

حبيبتي ميرو لا انا ولا انتي نقدر نقول ده حلو ولا وحش الكلمه الاولي والاخيره للمسئول اللي بيستلم شغلي وشغلك
الشله 100 جرام تغمل علي الاقل 6 او 7 والبطانه اللي بتقولي فيه بطانه شوفي بك مقاس 8 ارتفاع و12 طول
متر ستان عرض 90 حيعمل كام بك
انا يا بنتي مش عايزه ابقي بطله امامكم لكن براعي ربنا والقرش القليل حيكسبك كتيرواحنا عايزين يبقي لنا اسم
وسمعه وبعدين ياميرو ادي بالك انك بتسلمي المنتج 3 ايادي بيتناولوه يعني او كل واحد اخد جنيه حيبقي البك ب18 جنيه
تفتكري انك لو نزلتي اشتريتي مش يك بضراحه ينفع خروج لا ده استعمال لشراء مستلزماتك حتدفعي فيه 18 جنيه
ونوع الخيط اللي عايزاني اقولك فيه اقتراحي انا بقولك اي نوع خيط فتله سميكه تمشي
ربنا معك ويوفقك

رفعت الصورة على الفيس بوك لانى مش عارفة احطها هنا

الحمد لله انه عجب حضرتك


ان شاء الله ابطنه واصوره من الداخل


بالنسبة للسعر ان شاء الله 7 جنيه للقطعة


واقسم بالله العظيم انضف الخامات بستخدمها سواء فى الخيط او البطانة او الاكسسوار ومعتمدة فى الربح على الكمية مش على القطعة
لانى بشتغل بخيوط مصرية و تركية مش بخيوط صينى مبشتغلش فيها ابدا ولو هيدونى الخيط ببلاش
ربنا يوفقنا جميعا آمين

رائع يا ام ياسمين بالتوفيق ان شاء الله

جزاك الله خيرا استاذ خالد وفيك بارك الله


حملت الصور على الفيس بوك لانى مش عارفة احطهم هنا


بالنسبة للبطانة لقبل ما اعمل البطانة كان عادى و بعد ما عملتها حسيت انى ماسكة بوك فعلا


بالنسبة لي افضلها لانها بتخلى الحقيبة الصوف او البوك ماسك نفسه
وزى ما قالت الاخت نادو ان المتر هيعمل لكذا بوك ان شاء الله
ناقص لى السوستة و الاكسسوار ومنتظرة ردك اول ما تقولى ابدأ هبدأ الشغل علطول

جزاك الله خيرا نادو و بالتوفيق لنا جميعا

ربنا يبارك فيكى اختى الفاضله ام ياسمين على عملك الرائع
على خيرت الله اتوكلى على الله وابدائى العمل فى البوك
واخيرا نريد ان نعلم منك للمشتركين الاخرين لكى يتم العمل به
ما هو نوع الخيط المستخدم ؟وسعر الخيط؟
عشان الاعضاء المشتركة تعرف بعض المعلومات ليتم العمل فى هذا الموديل
ان شاء الله
------------
وهذة بعض الصور الخاصة التى تم رفعها على الجروب التابعه لكي



من الداخل


صورة وهو منتفخ



من الخلف



من الداخل وهو ومحشي بالاوراق والموبايل




-----
واخيراا اشكرك اختى الفاضله واتوكلى على الله واشتغلى ويكون فى تعددد
الالوان فى البوك بحيث ان يكون الدسته يكون فيهاا تشكيلة تناسب جميع
الاذواق فى الالوان
ولو فى وقت معين او قريب للانتهاء من طلبيتك ياريت تعرفينى ذلك ايضااا
وربنا يعينك ياارب ويوفقك
وبالتوفيق ان شاء الله
تحياتى لكى

ان شاء الله استاذ خالد


ممكن اخلص ال36 قطعة فى 3 اسابيع على الاكثر ان شاء الله


بالنسبة للخيط العينة اللى انتو شايفينها عملاها جسم البوك بخيط كواليتى خيط مصرى نضيف كحلى ب5جنيه سعر الازهر و الوردة و الحواف عملاها بحخيط جنجاه هيمالايا التركى الشلة ب12 جنيه
خيط ناعم جدا ودرجات الوانه رهيبة و الوردة لو تشوفوها على الطبيعةهتلاقوا الوانها زاهية
مش تتخدوا من السعر لان الشلة بترمى كتير
بس مش دول الخيوط الوحيدة الصوف اللى هشتغل بيها ان شاء الله
فى خيط سيلفانا المصرى الجنجاه منه فى الوان حلوة كتير ب 6جنيه و نصف من الازهر
وطبعا خيوط ايليزا التركية اللى بحبها جدا و سعرها متدرج من 9 جنيه لحد 15 جنيه
انا جبت منها جنجاه لونين ب11 جنية
وموهير جنجاه ب15 جنيه