السلام عليكم ورحمة الله وبركاتة
الحمد لله رب العالمين والصلاة والسلام علي رسول الله محمد صلي الله علية وسلم
مع مبادرة ولاد البلد لحل مشكلة البطالة
الفكرة بمنتهي البساطة
أي أخ وأي أخت تعرف شغلانة او مشروع او شغل بتشتغلة
أو أي حرفة يدوية ومستعد يعلمها بدن أجر وأبتغاء مرضات الله
لأن أي شخص هيتعلم شغلانة تبقي ساعدتة وكنت سبب في فتح باب رزق لة
وأنة هو ولما يتزوج وزريتة في ميزان حسناتك أن شاء الله
أي مشروع عملتة ونجح سوبر ماركت مغسلة سيارات توك توك
أكتب لنا خلاصة تجاربك
وسر المهنة أيوة سر المهنة علشان أخوانك وأخواتك يلاقوا يأكلوا ويشربوا ويتجوزوا
تكون نيتك أنك بتنقذ الشباب والبنات من الشحاتة او الأتجار بالبانجو أو ان البنات يشتغلوا رقاصات
تكون نيتك أن أمة محمد صلي الله علية وسلم مش هيكون فيها ولا واحد يشحت
المهم
أفكارك وتجاربك ولو حتي فشلك أحكلنا برضو علية علشان نتعلم منك وعلشان منغلطش ونقع في المطب او الخسارة الي وقعت فيها
أي مصنع فتحتة وناجح
وهكذا
2- لو طالب عمال او موظفين
3- لو عندك محل او فلوس رأس مال او فكرة مشروع ونكمل بعض
دة معاة الفلوس ودة عندة فكرة ودة عندة المكان
وان شاء الله نعمل مشاريع سوا وننتج ونصدر
ونبقي أحسن من الصين واليابان وأمريكا
مينفعش والله يا جماعة
لو بصيت للي أنتا لابسة
مش بعيد تلاقي ملابسك الخارجية وال والشبشب والشوز حلوة الشوز دي هههه والساعة كلو made in china المهم ان شاء الله
دي مبادرة للناس الجدعان أوي ومش أي ناس ولا أي جدعان لأ دول ولاد البلد
الي بيحبوا بعض وبيقفوا جنب بعض
ولو شافوا حد واقع في الشارع بيجروا علية ويسندوة ويوقفوة علي رجلة
منتظرين أرائكم وأفكاركم وأقتراحاتكم ومشاريعكم
أي مشروع تجيدينة جميع الحرف
جميع الأعمال اليدوية لو أي أخت عنها أستعداد تعلم أخواتها الأعمال والأشغال اليدوية
لو مستعد تعلم القيادة سيارات او موتوسكلات لحد عاوز يشتغل سواق
لو مستعد تعلم أخوك صيانة الكمبيوتر او صيانة المحمول
لو مستعد تقف جنب أخوك علشان يفتح محل وأجراءات فتح محل
بطاقة صحية وبطاقة ضريبية وسجل تجاري
انا عاوز أقول أني في بداية حياتي كنت نفسي أشتغل في مجال الكمبيوتر
والصيانة ولأسف الراجل قالي هساعدك ففرحت وبعد كدة طلع انة بيقولي يعني
أنها دورة وعاوز 500 ج ومكنش معايا فلوس المبلغ دة
ولازم أذكر الشيخ أحمد أبو الخير وقف جنبي علشان أفتح محل بقالة صغير تقطيع الجببنة الرومي ومنين البضاعة
محتاجين نقف جنب بعض
ولما دخلت مشروع موتوسكل علمني صديقي عبد الله سواقة الموتوسكل
الناس دول هفضل فاكرهم طول عمري وأتذكرهم وأدعيلهم بالخير أن شاء الله
هاااااااااااااااااااااااااااا
ناوي تشاركنا
ناوي تعمل حاجة لله
ناوي تساعد أخوك ولا لأ
شاركنا للقضاء علي البطالة وتشغيل الشباب
عاوزين ان شاء الله
نملا مصر مشاريع ومحلات ودكاكين ومصانع ومستثمرين
أحنا موجودين علي الفيس بوك تواصل معنا
أبحث عن كلمة مبادرة ولاد البلد لحل مشكلة البطالة علم أخوك الصيد
https://www.facebook.com/pages/%D9%85...59594500753740
جزاكم الله كل خير
والسلام عليكم ورحمة الله وبركاتة