اقتراح لحل مشكلة اسعار المنتجات على التاجر

السلام عليكم ورحمة الله وبركاته
اهلا وسهلا بفريق الكروشيه ويارب يكون الجميع بخير يارب

توصلت لحل مقنع وفعال وتم درسه وايضا اعتمادة ولكن فى حملة ورشه فى كل بيت للاعمال اليدويه على الموقع

وتوضيح للمشكلة التسويق

طبعا معروف فى الحملة
اننا بناخد منكم الشغل بسعر ثم بناخد منكم الشغل واحنا بنضع سعر ضعيف على سعركم تقديرا لمجهود مصاريف الحملة وادارتها ثم التاجر بيضع سعر للزبون
لو تلاحظو ان المنتج سعره كدة زاد ودة بيسبب مشاكل فى تسويقه مع التاجر وبيقول ان السعر مش متناسب معاه عشان ( غالى )

فالاقتراح الان وهو التالى :
اننا ممكن نعمل الاشتراك و التسجيل فى الحملة والناس اللى عايزة تسوق منتجاتها بأشتراك مدي بمبلغ رمزي كل شهر او شهرين او ثلاثة
الميزة هنا
1-
ان اتعاب الحملة وادارتها كدة تم تسديدها ونستطيع التحرك اكثر
-2
السعر اللى انتا هتنزله كدة احنا هنسلمه بنفس السعر لا اقل او ازيد وبكدة تم منع زيادة اى مصاريف
3-
التاكد الجاد من اى مشتركة هتشترك فى الحملة والعمل الجاد يعنى مش كلام وخلاص
4-
ان فى مدة الاشتراك سواء شهر او شهرين او ثلاثة وانا مقدر ان الكروشيه بياخد وقت فبتالى السعر هيقل او هيكون فى متناول الجميع لفترة اطول ومن خلال المدة يقدر يرسل كذا بضاعة ليتم ترويجها وتسويقها ويستلم ارباحه وايضا على ذمة المدة اللى لسا مش انتهت يقدر يبعت كذا مرة ويتواصل معنا حتى انتهاء مدة الاشتراك وبكدة يعتبر حق الاشتراك هو مصاريف مواصلات ومجهود الحملة لتسويق منتجاتها


الاقتراح فى اختصار:
انه هيريح ادارة الحملة التسويقية لمنتجاتكم فى العمل وتوسيع دائرة التسويق بشكل فعلي
وايضا هيريح المصنيعين فى سرعة التسويق بعد عناء زيادة اجر الحملة فى البضاعة لان البضاعة هتوصل بسرعك انتى
السعر اللى انتى هتحدديه هو اللى هيوصل للتاجر لا اقل ولا ازيد عشان يكون مناسب للتاجر والزبون
و اظاهر جدية كل من مسجل فى الحملة بالعمل فى الحملة وان يريد العمل معناا بشكل جادي
وايضا يعتبر كا مشروع شخصي لكى وان حق الاشتراك يعتبر دعم للحمله وايضا كارمز تقديم خدمة التسويق لمنتجاتكم بطريقة فعليه ومباشر على ارض الواقع


ودة مثل تم تطبيقه فى حملة الاعمال اليدوية اقرئو الموضوع من الاول والاخر وانتم هتعرفو اكتر عن الموضوع والاقتراح
https://a3maalk.yoo7.com/t247-topic



هذا مجرد اقتراح وليس موضوع اجباري
وننتظر منكم التصويت فى اعلى الموضوع التعليق بما يناسبك فى هذا الموضوع

وشكرا كثيرا لكم

الاخ الفاضل ا/خالد بالنسبه لاقتراحك المساهمة بالاشتراك الرمزى حتى يصل المنتج بسعرة الى التاجراقتراح معقول ولاكن ليس فى البداية الحالية للاننا لسة بنقول ياهادى وبنشترى خامات وشحن و... وكل زالك عبىء جديد على بدايتنا لمشروع منزلى نظرا لظروف المعيشة كسابق زكرك وكل واحد ة فينا ظروفها غير الاخرى والطريقة الى انت ماشى بيها دلوقتى هى افضل حل للطرفين الى ان يقضى اللة امرا كان مفعولا دة مجرد راى من اختكم وارجو الااكون تجاوزت

لا طبعا انا لا اوافق
اصلا مادام حضرتك بتزود سعر بسيط على المنتج مش كتير وحضرتك طبعا بتاخد مننا المنتجات على اسعار معينه مش غاليه طبعا فدة مش هيسبب ارتفاع سعر المنتج يعنى لو انا اديتك منتج ب 25 جنيه وحضرتك زودت 5 جنيه يعنى 30جنيه مش غالى طبعا
ففين بقى ارتفاع الاسعار

السلام عليكم ورحمة الله
احنا طبعا مقدرين تعبكم فى التسويق
حقول رايى بكل صراحة ومفيش زعل
احنا كدة يبقى بنتحمل كل شئ مصاريف الخامات وتعب ومجهود الشغل والسعر كمان غير محدد 
وكمان حاخد حقى بعد البيع وبرضه انا بادفع مواصلات عند شراء الخامات
وكمان بعد ده كله ادفع للحملة مقدما اتعابها وكمان لاشهر قادمة
ومتنساش استاذ خالد انى علشان اكسب من الطبيعى حضيف اللى دفعته للحملة يعنى كدة كدة حزود فى السعر
ارجو ان اكون فهمت الموضوع صح وارجو ان تقبل رفضى لهذه الفكرة 

محتاجة اعرف اسعار الشنط الرينج بتاعها كام اللى هاديكوا بيه و اتشراك الحملة للتسويق كام كل اد ايه

اقتباس :

السلام عليكم ورحمة الله
احنا طبعا مقدرين تعبكم فى التسويق
حقول
رايى بكل صراحة ومفيش زعل
احنا كدة يبقى بنتحمل كل شئ مصاريف الخامات
وتعب ومجهود الشغل والسعر كمان غير محدد
وكمان حاخد حقى بعد البيع
وبرضه انا بادفع مواصلات عند شراء الخامات
وكمان بعد ده كله ادفع للحملة
مقدما اتعابها وكمان لاشهر قادمة
ومتنساش استاذ خالد انى علشان اكسب من
الطبيعى حضيف اللى دفعته للحملة يعنى كدة كدة حزود فى السعر
ارجو ان
اكون فهمت الموضوع صح وارجو ان تقبل رفضى لهذه الفكرة

وعليكم السلام ورحمة الله وبركاته
اولا انا مش بزعل مش شئ عشان دة شغل ودة مجرد اقتراح عشان نحاول نقدر نساعد بعض فى الحملة
انا مش حددت سعر الاشتراك ممكن السعر يبداء من 150 جنيه او 170 جنيه الى شهرين او ثلاث اشهر
لوجيتى وحسبتيها كويس
تقريباااا هيكون فى الشهر من 50 الى 55 شهريااا
والثلاث اشهر فيهم 90 يوم
هل فى ال90 يوم دول حضرتك مش هطلعى انتاج فيهم ؟
وهل فى الـ90 يوم هتعمل كام طلبيه فيهم ؟
بل بالعكس انتى هتكسبى وهتكفى ايضا المصاريف
مصاريف الشحن لا تقل عنـــ 10 جنية يعنى مش كبير للدرجة
ومجهودك دة شئ اساسى عند اى حد لازم يكون فى مجهود عشان نلاقى المقابل لتعابنا
ومش تنسي ان الدفع قصاد التسويق!!!
يعنى مش لشئ الى لا شئ
والتسويق يعتبر من اهم الحاجات فى اى مشروع وخصوصا فى الكروشيه
واذا كان فى طريقة للتسويق لديكم فلا يمكنكم الدفع او الاشتراك حتى فى الحمله عشان التكلفة
ولكن كلامى هذا فى معظم الناس صعب انها تسوق وتنزل تسوق بنفسهاااا صعب صعب
فنحن نريد فتح مجال التسويق ليكم عشان الناس تشتغل وتكسب والكل يرزق
هو دة موقفي
وانا تقبلت رفضك للفكرة ولكن احسبيها صح واعقليها واتوكلي على الله
ويشرفنى رائيك فى الموضوع
تحياتى لكى

=================

اقتباس :

محتاجة اعرف اسعار الشنط الرينج بتاعها كام اللى هاديكوا بيه و اتشراك
الحملة للتسويق كام كل اد ايه

اهلا وسهلا بيكى اختى
اسعار الشنط نفضل انها تكون اسعارهاا مناسبه عشان اقدر اسملها للتاجر على سعرك انتى وانهمش يحس انها عاليه عليه وانتى اللى بتحددى سعر الشنطة ولكن لازم يكون الجودة كويسه والفنش للشنطة مقبول عشان يكون فى اقبال للتسويق للبيع والشراء
انتى بتحسبى تكلفة الخامات وبتضعى ايضاا تكلفة مجهودك وبتسلميها ليناااا واحنا نبدء بالتسويق

اما سعر الاشتراك فى التسويق لسا مش وضعناها بشكل اساسي
ولكن هو هيبدء من 150 جنيه او 170 جنيه كل ثلاث شهور او شهرين
وفى هذة المدة تقدرى تنتجى وترسلى البضاعة ليتم تسويقه باذن الله وعند انتهاء المدة يتوجب عليكى بالاشتراك مرة اخرى ليتم التسويق وايضاااا انك تكونى من ضمن الفريق حتى لو اطلب شغل انتى هتعمليه ودية طريقة تانية فى العمل معنا باذن الله
وانا فى الخدمة لو عايزة اى استفسار اخر
تحياتى لكى

السلام عليكم
اولا انا ضيفه وراى راى للصالح العام
اعتقد الفكرة لن تلاقى رواجا على العكس شككت فى الحمله يااستاذ خالد
الافضل كنت حددت سعر للمنتج وحضرتك تتحمل مصاريف الفلوس والبنات تتحمل الشحن وتتعدل الكفه
كمان عادى ممكن حضرتك تحط مكسب معقول للحمله وهتبيع باذن الله
والافضل انك تاخد مكان فى معرض شغال وفى الحاله دى ممكن ايجار المكان يتقسم على البنات الللى تحب تشترك ويبقى المكان بتاع الجميع لكن لو فى اشتراك طب مهو فى منتدايات كتير باشتراك وااقل من كده كتير وشغاله ماشاء الله ومعروفه
حضرتك عيد الحسابات حتى لا تفقد الحمله مصداقيتها
للعلم انا جانى تليفونات ورسائل لان فى ناس فكرة انى مسؤله مع حضرتك عن الحمله وعايزين يعرفوا حضرتك بعت ايه وهيخدوا فلوسهم امتى واسئله كتيرة وانا كلمت حضرتك اكتر من مرة وللاسف بدون رد وبعد كده موبيلك مغلق وده قلق الناس جداااااااااااااااااااااااااااا
ربنا يوفقكم ويقدم لكم الخير يارب
وفى عضوة ارسلت لحضرتك وارسلت لى وياريت حضرتك تلبى طلبها واكون لك شكرة لزياده الثقه بينك وبين الاعضاء

اقتباس :

السلام عليكم
اولا انا ضيفه وراى راى للصالح العام
اعتقد الفكرة لن
تلاقى رواجا على العكس شككت فى الحمله يااستاذ خالد
الافضل كنت حددت سعر
للمنتج وحضرتك تتحمل مصاريف الفلوس والبنات تتحمل الشحن وتتعدل الكفه
كمان
عادى ممكن حضرتك تحط مكسب معقول للحمله وهتبيع باذن الله
والافضل انك
تاخد مكان فى معرض شغال وفى الحاله دى ممكن ايجار المكان يتقسم على البنات
الللى تحب تشترك ويبقى المكان بتاع الجميع لكن لو فى اشتراك طب مهو فى
منتدايات كتير باشتراك وااقل من كده كتير وشغاله ماشاء الله ومعروفه
حضرتك
عيد الحسابات حتى لا تفقد الحمله مصداقيتها
للعلم انا جانى تليفونات
ورسائل لان فى ناس فكرة انى مسؤله مع حضرتك عن الحمله وعايزين يعرفوا حضرتك
بعت ايه وهيخدوا فلوسهم امتى واسئله كتيرة وانا كلمت حضرتك اكتر من مرة
وللاسف بدون رد وبعد كده موبيلك مغلق وده قلق الناس
جداااااااااااااااااااااااااااا
ربنا يوفقكم ويقدم لكم الخير يارب
وفى
عضوة ارسلت لحضرتك وارسلت لى وياريت حضرتك تلبى طلبها واكون لك شكرة
لزياده الثقه بينك وبين الاعضاء

وعليكم السلام ورحمة الله وبركاته
اهلا وسهلا بيكى اختى شهد وكل سنة وانتى طيبه اختى الكريمه
رائيك ومفترحاتك على راسي من فوق وانا راحب باى اقتراح او رائ لهذا الموضوع
ثانياا والمهم جدااا
انا كاتب فى اخر الموضوع الجمله هذه يارب الجميع يشوفهااا كويس

اقتباس :

هذا
الموضوع ليس
اجبارى ولكن مش اكتر من اقتراح ليتم تنفيذه فى المستقبل

اما عن ان هذه الفكرة قد شككت فى الحمله اختى
الفاضله
فلا اظن هذا اطلاقاااا
من قراء الموضوع بتمعن وحسبها صح لم يجد اى مشكلة لان اساس الموضوع فهو
التسويق الذى يحتار فيه بعض الاشخاص
ومن شكك وظن فى الحملة ظن سيئ بدون حتى ما يتعامل معنااا وبيشهر بيناااا
فحسبى الله ونعم الوكيل فيه
فربنا قادر على كل شئ
اما بخصوص تحديد الاسعار اختى شهد فانتى تعلمى جيداا ان كل منتج او موديل
بيتوقف على سعر الخيط وكل خيط وله سعر من انواعه فأنا ازى هحدد سعر المنتج
قبل تصنيعه وانا لم اعرف ماذا يحتاج المنتج من خيوط؟ ولو حضرتك متابعه
جيدااا فى الحملة فى اقسام الفرز والتصميم طلبت من بعض الاخوات ذلك لانهم
على تجربه وكل شئ موجود فى الحمله والمواضيع موجودة وبالدليل ولله الحمد

بخصوص مكسب الحمله اوكى مفيش مشكلة هذا ما بيتم الى الان فى الحمله بنضع
سعر صغير للحمله لمجهودهاا فى التسويق وهذا حق لاننا بنتعب فيه زى ما كل
الناس بتتعب وتشتغل وتكسب وربنا يرزقنااا جميعا
وبخصوص

اقتباس :

والافضل انك تاخد مكان فى معرض شغال وفى الحاله دى
ممكن ايجار المكان يتقسم
على البنات الللى تحب تشترك ويبقى المكان بتاع الجميع لكن لو فى اشتراك طب
مهو فى منتدايات كتير باشتراك وااقل من كده كتير وشغاله ماشاء الله
ومعروفه

هذا اللى كان هيتم فى المستقبل وعامل خطه ولكن
كنت منتظر يكون فى اعداد اكتر فى الحمله عشان نقدر نكون على ارض صلبه ونوفر
المنتجات!!!!!! ولكن انا تعاملى الان مع التاجر مباشر يعنى مفيش مشكلة ان
شاء الله

اقتباس :

حضرتك عيد الحسابات حتى لا تفقد الحمله مصداقيتها

اعقلها واتوكل على الله
والنيه لله وحده وهو من يعلم ما فى قلوبناااااا ويعلم ان نيتنااا فى الخير
واننا نساعد الناس ونبذل مجهود حتى الجميع يشتغل ويكسب وايضا الحمله كمان
تكسب وتزيد مصدقيتهاااا على عكس افتقاد مصداقيتها كما ذكرتى اختى الكريمه

اقتباس :

للعلم انا جانى تليفونات ورسائل لان فى ناس فكرة انى مسؤله مع حضرتك
عن
الحمله وعايزين يعرفوا حضرتك بعت ايه وهيخدوا فلوسهم امتى واسئله كتيرة
وانا كلمت حضرتك اكتر من مرة وللاسف بدون رد وبعد كده موبيلك مغلق وده قلق
الناس جداااااااااااااااااااااااااااا
ربنا يوفقكم ويقدم لكم الخير يارب

انا يزيدنى الشرف ان حضرتك تكونى من المسئولين فى
الحمله ولكن انا اسف اذا سببت لكى الازعاج من قبل اشخاص لم يشتركو فى
الحمله او اشخاص مشتركين فى الحمله على بعض الاسئلة فاتمنى من حضرتك اى احد
يريد ان يعرف اى شئ عن الحملة ارسليه الى موقعنا او الى الجروب ونحن
مستعدين للرد على اى استفسار سواء فى العمل او فى خدمة معينه او سؤال معين
داخل الحمله ان شاء الله
واتصالك علياا اكيد كان فى وقت انا مشغول فيه فانا بقفل الموبايل عند
الصلاة او فى عمل لا استطيع الرد على اى شخص مهما كان حتى تليفونى الشخصي
هكذا وافضل من ان افتح تليفونى ولا ارد على المتصل وتليفونى مفتوح الان ان
شاء الله وهيتم اغلاقة فى الاوقات التى لم استطيع فيها الرد
وتم الاعلان عن المسئولين للحمله منذ بداية الحمله بشكل واضح وصريح
والمسئولين عن الحمله هما
اخوكم : خالد الطيب
و
مدام : مهاا
فقط لا غير والمسئول عن الحمله بالكامل هو اخوكم خالد الطيب ومدير التسويق
للحمله وهو من يحاسب على كل كبيرة وصغيره فى الحمله فنرجو لمن لديه اى
استفسار او شئ او اى كان فى الحملة بمراسلتى وانا فى خدمتكم
وكما وضحت لكم فى هذا الموضوع الذى يراه الجميع منذ انشاء الحمله على
الرابط التالى
https://a3maalk.yoo7.com/t34-topic
واللى بيسأل عن الحمله ممكن تضعوه له هذا الاربط ليتم التواصل بشكل مباشر
بخصوص

اقتباس :

وفى عضوة ارسلت لحضرتك وارسلت لى وياريت حضرتك تلبى طلبها واكون لك
شكرة
لزياده الثقه بينك وبين الاعضاء

حاضر اختى هيتم طلبها بأذن الله السبت او الاحد
باذن الله

واشكر حضرتك على ردك واقتراحك وتوضيح بعض النقاط ويارب تكون اجابتى واضحة
وصريحه فى نفس الموضوع
---------------------------------------
ورسالة لكل اعضاء الحمله المشتركين فى الحمله
ربي يعلم ما فى نيتي وما فى قلبى من خير للحمله والمساهمه فيها لكى
اساعدكم جميعاا من افصى طافة لدى اقدمها لكم والله هو الذى يعلم ذلك
سؤال لكل مشتركة فى الحملة
من العاقل الذى ينشأ موقع ويجمع فيه اشخاص وافراد من مختلف المجالات اذا
كان كروشيه او مشاريع او اعمال يدويه او تسويق وان يفكر فى ان ينصب او
يضحك او يسرق احد فى هذا الجمع؟
من العاقل اللى ممكن يضحك على شخصيه واحدة او شخصيتان او ثلاثة او اربع
ويكمل المشوار مع الجميع وهو يعلم ان كل الناس اللى تنتمى فى مجال واحد
متواصله مع بعضها؟
اتمنا كل الناس تسال نفسها وتنظر فى رئيسية الموضوع وتشاهد اقسام الموقع من
افكار و اتحاد و عمل
اخواتى الموقع يعتبر من افضل المواقع العمليه والتفيذية على ارض الواقع ولم
يجد موقع مثل هذا الشئ من قبل نهائياااا وربنا اكرمناااا بيكم وبالناس
التانية اننا نتحد مع بعض ونكمل المشوار للنهايه

وفى بدايتى فى الحمله قولت لكم جميعااا
ان الحمله هدفها التعاون والاتحاد وهدفهااا تسويق المنتجات للناس التى ليس
لها طريقه للتسويق ومن يجد نفسه انه يحتاج الى التسويق ويتعاون معنا بالخير
فممكن يشترك معناا عشان نحقق دة
اما الناس اللى دخلت الحمله ومستعجله على بيع المنتجات فانا لا الومهاا
ابداا فهذا حقهااا وكلنا محتاجين اى مكسب عشان نعرف نشتغل ولكن هذا التسويق
اخواتى فيه عواقب ومشاكل وجهود فلازم نتعب فى البدايه عشان نقدر نمسك
السوق ونبيع ونشتغل بقلب جامد
اما لو فضلنا على هذا الحال فبلدناا بالفعل هتفضل هكذاا لاتريد انها تتعاون
ولكن تدور على الربح قبل ما تدرس الافكار او انها تفكر توسع مجالها فى
نشاطهااا

فانا بعلنها صريحا للجميع
ان انا عمرى فى يوم من الايام انى استسلم نهائياااا الا اذا كان فى خطأ او
انا مخطأ فى ما اعمله فى عملى
وان عمرى ما اهد كل اللى بنيته وانى هستمر وهكمل المشوار مهما كانت صعوبته
فان بعد العسر يسر
وايضا هفتح كذا مجال وليس فى مجال الكروشيه فقط لا بل هفتح مجال للتسويق
للاعمال اليدوية او لاصحاب المشاريع الصغيرة او للاسر المنتجه
وان هحاول باقصى بأقصى بأقصى جهدى انى اساعد وان انمي ولو جزء بسيط من اجل
بلدى
الصناعة المصرية وانتشاره فى الاسواق باذن الله تعالى
ومن يريد ان يضع يده فى يدى عشان خاطر بلده ونفسه فاهلا وسهلا بها على خير
دئماا
ومن لا يريد العمل معنااا فاهلا به ايضاا ولكن نطلب منك طلب انك تدعى لنا
بالتوفيق والنجاح وان باب مشروعنا مفتوح للجميع بدون قيود ولا استغلال

ومازال الاشتراك مجانى فى حملة الكروشيه لاى شخصية
تريد التعامل مع الحمله باذن الله
ومن مناقشة هذا الموضوع هيتم وضع اشتراك مدفوع وسوف
هضع موضوع موضح به بالتفاصيل لكل من يريد تسويق منتجاته عبر الحمله من
منتجات غير مطلوب تصنعها فى الحمله ولكن بأساسيات وسوف اضع تفاصيل لهذا
الموضوع بأذن الله
وكل اللى كان ضد للفكرة او للاقتراح فاعلى راسي من فوق
فضعوناا نرا اذا كان كلامى صحيح ام خطأ
الموضوع للناس اللى عايزة تسوق منتجاتها وليس للناس اللى عندهااا طريق
للتسويق
وسوف نرا فاعلية الموضوع على الواقع وهيتم اشهار الخدمة فى بعض اركان
الحمله ان شاء الله
لأن فعلا فى ناس تحتاج للتسويق وعندهم صعوبه فى ذلك وهما اوله لهذه الخدمة
ومن حق اى مبتدئ انه يكبر ويكون صاحب مشروع ويكسب افضل من انه يكون شغال
عند ناس لا تقدره وبتستغله

وربنا يقدرناا على فعل هذا وخدماتهم والحفاظ عليهم
وايضاا لتوسيع نطاق التسويق ونطاق عمله باذن الله

والمسئولين عن الحمله هما
اخوكم : خالد الطيب
و
مدام : مها

فقط لا غير واى مسئول هيدخل فى ادارة الحملة هيتم ابلغكم به

وأسل رب العرش العظيم ان يرزقهم ويرزقنااا جميعااا
وان يوفقنااا وينجحنا فى اعمالنا واننا نكون ايد واحدة على خير ويحفظناا من
اى شر على الحمله امين يارب العالمين

شكرا لردك وتوضيحك
وانا لم اشكك فيك ولا فى الحمله انا نقلت لك وجه نظر قد تكون غائبه عنك
فان تقبلتها فخير وان رفضتها فلك الحريه
وللعلم انا كان بقالى كتير مدخلتش لانشغالى
ودخلت بناء على طلب الاخوات
وتقدر حضرتك تلغى العضويه لو شايف ان كلامى فيه اى شائبه تشوبكم
اعتقد انا كلمت حضرتك لتوضيح نقاط لوجه الله
الا انتظر اى شيىء سوى ان ارى مشروعكم ناجح ودى كانت امنيه ليا ان انافس الصين يوما ويكتب على ملابسنا صنع فى مصر
ورفضت فرص كتير جتنى لمجرد ان احتفظ بهويتى جروب شهد الحياة صنع فى مصرى
وفعلا ان الله يعلم ما فى الصدور
شكرا لحضرتك
وكل الدعوات للجميع بالتوفيق

على فكرة انت ممكن تحدد سعر للمنتج ويتقسم شرائح
ياريت تسئل حد خبير لتعرف

اقتباس :

شكرا لردك وتوضيحك
وانا لم اشكك فيك ولا فى الحمله انا نقلت لك وجه نظر
قد تكون غائبه عنك
فان تقبلتها فخير وان رفضتها فلك الحريه
وللعلم
انا كان بقالى كتير مدخلتش لانشغالى
ودخلت بناء على طلب الاخوات
وتقدر
حضرتك تلغى العضويه لو شايف ان كلامى فيه اى شائبه تشوبكم
اعتقد انا
كلمت حضرتك لتوضيح نقاط لوجه الله
الا انتظر اى شيىء سوى ان ارى مشروعكم
ناجح ودى كانت امنيه ليا ان انافس الصين يوما ويكتب على ملابسنا صنع فى
مصر
ورفضت فرص كتير جتنى لمجرد ان احتفظ بهويتى جروب شهد الحياة صنع فى
مصرى
وفعلا ان الله يعلم ما فى الصدور
شكرا لحضرتك
وكل الدعوات
للجميع بالتوفيق

السلام عليكم
اقتراحك على راسي من فوق اختى شهد وانا رديت عليكى كما انتى رديتى من وجهة نظرك للموضوع
والحمد لله ان ردى وموضوعى وصلك بطريقة صحيحة
ومازل حملتنا هتنافس الصين وهنحاول بقدر الامكان غزو الاسواق المصرية والخارجية بمنتجاتنا باذن الله
والحمد لله فى اقبال كويس فى السوق وخصوصا عشان صنع فى مصر من بعد الثورة والحمد لله على هذا

واانا لم استطيع بحذف او ايقاف عضوية فى الموقع الا لو عدا الحدود فى النقاش او انه يغلط فى حد وانتى وضعتى رائ من وجهت نظرك وانا احترمه ولا مشكلة فى هذا الامر
وانتى تنورينا وتشرفيناا وعلى راسي فى الموقع
كل ما فى الامر هو تسويق المنتجات بطريقة مباشرة على ارض الواقع وليس على مواقع ومنتديات بل انا اريد التسويق المباشر حتى نغزو السوق المصرى بمنتجاتناا والناس تعرف ايه هو الكروشيه
وانا اول كلامى مع اى تاجر بقوله ان دة منتج مميز وبايد مصرية محترفه ومش متوفر فى السوق ومطلوب وخصوصا انه ( صنع فى مصر )


وبخصوص

اقتباس :

على فكرة انت ممكن تحدد سعر للمنتج ويتقسم شرائح
ياريت تسئل حد خبير
لتعرف

انا بدرس دة ان شاء الله وبكلم المختصين فيه ان شاء الله
وقريب هضع حد لهذا الموضوع



واشكرك على ردك وكل سنه وانتى طيبه ورمضان كريم عليكى وعليكم جميعاااا

وانت طيب احنا اولا واخير اخوة واختلاف الراى لا يفسد للود قضيه
والف مبروك البيع فنح الله لكم ابواب الرزق انا اتصلت عشان اهنيك
بعد ما بشرتنى اختى الغاليه ان المنتج اتباع
والى الامام دائما
وكل عام وانتم بخير اعاد الله علينا رمضان بالخير واليمن والبركات
وغفر لنا ما تقدم وما تاخر
وجمعنا واياكم فى جناته