السلام عليكم ورحمة الله وبركاته
تم افتتاح قسم مخزن حملة الكروشية
التعريف بهذا القسم :
القسم دة تخصصه انه بيجمع كل الشغل الموجود والمتصنع فعلا لدى اعضاء الحملة
بحيث ان المخزن دة بيكون فيه كل حاجة من بضائع الكروشية ومن جميع تخصصات الكروشية فى مجالات عديدة كامثلا :
ملابس اطفال
ملابس حريمي
ملايات
شنط
العاب
افكار مختلفة
وكل دة فى مجال شغل الكروشية
ودة بيساعد الاعضاء المشتركة معانا وعندها فعلا شغل موجود ومش عارفه تسوقه
فاحنا اللى هنسوق الشغل الموجود فعلا مع الاعضاء
يعنى بدل ما لسا يكون فى وقت للتصنيع لا كدة الشغل هييكون جاهز
ونقدر نتفق ونبيع فى اسرع وقت
ونتواصل مع الزبون بشكل مباشر
--------------
طبعا المخزن لازم يكون فى بضائع مختلفة واحنا كاادارة هنحصر كل الشغل الموجود وهنعرضه للبيع
ولما ينقص منتج من المخزن نعمل غيره بحيث ان اى منتج يطلب يكون موجود
زى المحلات والمعارض والسوق بيكون عرض وطلب بشكل مباشر
فاحنا هنعمل دة معاكم من خلال حملتنا وموقعنا
--------
كل اللى هيكون معاه شغل هنتواصل معاه وهناخد صور شغله وهنسوقه بطريقتنا ومعرفتنا
ولما يطلب المنتج هناخد المنتج ونسلمه للزبون وانتم تاخدو حق بضاعتكم وتشتغلو فى منتج تانى
وكلها بتسهيل ربنا ومن كان رزقه على الله فلا يحزن
المطلوب للاشترك فى قسم المخزن
التسجيل اولا فى موقعنا هذا
واللى عندها اى بضاعة تكتبلنا هنا فى الموضوع واحنا هنتواصل معاها ان شاء الله
-------------------------
فى القسم دة هنعمل كذا موضوع وكل موضوع لكل مجال معين عشان نقدر نجمع الناس فى كل تخصص بعيد عن التانى عشان لما ينقص منتج نقدر نراسل الناس اللى عندها شغل وعايزة تشتغل معانا
-----------------
وبالتوفيق الدائم ان شاء الله
المنشورات 
موضوع: تم افتتاح قسم مخزن حملة الكروشية 
