السلام عليكم ورحمة الله وبركاته
وانتا طيب وبصحة وبسلامة دئما ان شاء الله
والف الف مبروك على خطوة التصنيع وتسلم ايدك على شغلك وثقتك فى عملك ربنا يبارك لك يارب
بخصوص التسويق
1- محلات العطارة
2- استهدف المحلات اللى بتبيع ادوات السبوع للمواليد
3- استهدف المحلات اللى بتبيع شموع سواء سوبر ماركت او محل او الخ
لو عايز تبيع بالجملة بكميات رهيبه عليك على العنوان التالى :
القاهرة > العتبة > حارة اليهود > امام الحارة يوجود كوبرى صغير اخضر امام الكوبرى حارة فى بداية الحارة ناس بتبيع مشمعات او مشمع وديكورات اسأل الناس دية على الناس اللى بتبيع ادوات السبوع؟ هيقولك امشى طوالى وهتلاقيهم فى اخر الشارع بكثرة > بعد كدة الدور والباقى عليك يابطل تعرض بضاعتك وتشوف الاسعار هتناسبهم ولا لا ولازم لازم تتهاون معاهم سواء فى السعر او فى جودة الشمعه
عشان يكون فى بيع وشراء
=====
بخصوص تحديد الاسعار للبضاعة اللى انتا عملتهاا:
البيع بيكون بالكيلو يعنى مثلا ودة كامثال
لو حضرتك عملت 2 كيلو شمع متصنع وسعر ال2 كيلو مكلفك 5 جنيه بالتصنيع بيع بـــ10 او 8 او 12 او 7جنيه
ودة اللى بيتم مع معظم التجار فى البيع والشراء فى الشمع
بيكون بالكرتونه وبالوزن
طبعا انا مش اقدر اقول الاسعار كام الان عشان الاسعار تختلف من فترة كبيرة الان فانتا اللى هتعمله هتروح لواحد بيشترى شمع مثلا من اى حد غيرك وشوف السعر اللى بيقول عليه كام؟ وانتاا بتقيم السعر مع تكلفة شغلك ووقتك فى التصنيع وبتعرض سعرك للتاجر
هذا كل ما اقدر افيدك به اخى العزيز
واتمناا لك التوفيق والنجاح
وكل عام وانت بخير دئما
اذا كنت تمشي في الظلام ومعك
مصباح يضيء لك الطريق فلا تتأخر في رفع المصباح عاليا ليهتدي معك الآخرين
فالإنسان لا يعمل لنفسه
ولكن يعمل لنفسه وللآخرين....وسعادته في
أن يبصر النجاح في يد من يحب
وإن كره أحد الانتفاع بضوء مصباحك فليذهب للسير وحده فلن يضرك
شيئا، وسيبقى نورك يشع لغيره قادم من بعيد 
المنشورات 
موضوع: رمضان كريم : طريقه التسويق 
