اقتراح عمل وتنفيذ بطانة الشنطة من الداخل

السلام عليكم ورحمة الله وبركاته
اهلا وسهلا بفريق الكروشيه لتصنيع الشنط الحريمي
[ندعوك للتسجيل في المنتدى أو التعريف بنفسك لمعاينة هذه الصورة]
فى الاونه الاخيرة لحظة ان فى مشكلة بخصوص البطانه

فى كلام على ان البطانه بتغلى او بترفع الثمن فى سعر الشنطه
وفى كلام على ان البطانه صعبه
وفى كلام على ان البطانه مش من اختصاص الاخت اللى بتصنع الشنطة
وفى كلام كتير


الموضوع دة عايزين نحل فيه المشكلة دية ونوصل لحل فى اقرب وقت عشان بالفعل نعتمد شغل الشنط ونسهل على الفريق ان يشتغل بدون ما يتأخر ولا يكون شئ صعب عليه

دلوقتى فى كذا اقتراح ويارب يعجبكم

ممكن بعد ما بنعرض التصميمات وانتم تقومو بتنفيز الشكل الخارجي فقط من الكروشيه وانا هستلم منكم الشغل وانا اللى هفتح ورشة عندى وهكون مختص فى عمل البطانه وانا كما ذكرت لكم انا كنت بشتغل فى مجال الشنط لمده من سنتين الى ثلاث سنين
واتعملت مع الشغل المستورد وايضا الشغل المصرى ودخلت ورش كتيرر وعرفت البطانة ببتعمل ازى بس انا مش جربتهاا عملي ولكن انا واثق انى اقدر اعملها عشان انا لدى خبرة فى ماكينة الخياطة واشتغلت عليها فى مشروع سابقااا
فبتالى كدة هيطلب منى انى افتح ورشة بسيطة او هتفق مع واحدة انا اعرفها واتفق معاها لعمل البطانه هذة وبعد عمل البطانة هيتم تسويق الشغل وبس
بس هيكون كدة فى شئ وهو ان كدة هيتم خصم حق البطانة من عرضك للشنطة للحملة
عشان فى ناس ممكن تعمل شنطة بدون بطانة وبردو اجبارى بتعلي السعر علينااااا يبقا انا كدة عملت ايه؟
فبتالى لازم نراعي دة
والشئ الاخير ان لو انا فتحت ورشة خاصه كدة هيكون فى ضغط عليا كبير سواء تصيع و سويق فى نفس الوقت وايا متابعة الحملات فدة بيكون صعب جداااااااااااااا ولازم ادرس الموضوع دة عشان ممكن اعمل كل شئ ولم اشاهد اي تفاعل فى حملة الشنط ويبقا انا كدة اللى خسرت فلازم ادرس دة واشوف تفاعل من فريق الشنط وجدية العمل معنااا عشان ابدء بالخطوة دية

الاقتراح الثانى
ممكن نبحث عن شخصية بتخيط ونكون عرفنهاا كويس وهى اللى هتقوم بدور عمل البطانة للشغل اللى طالع من فريق الحملة بس طبعا لازم نحاسبهاا على شغلها اللى هتعمله
الاقتراح التالت
ممكن كل مجموعة من منطقة قريبه يتفقو مع خياطة وهى اللى تقوم بالعملية وايضا انتم تحسبوهااااااااااا على مجهودهاااااا
الاقتراح الرابع
ممكن انا ادور على شخصية تكون قريبه مني فى نفس المنطقة سواء معانا من المنتدى وعايزة تشتغل او وحدة من عندى لانكم لو تلاحظو انتم بترسلو ليا البضاعة وانا لو اخذت البضاعة فبقدر اسوق واقدر ايضااا ابعت الشغل للشخصية دية وهى تعمل البطانة وبكدة مش هيكون فى تكاليف شحن مرة اخرى وهعود واستلم منها الشغل اللى خلص بس لازم نعمل حسبهااا وازى نحاسبهااا على شغلها


اتمنى المشاركة ووضع اقتراح جاد ومتفاعل عشان نحل الامر دة ونبدء نشتغل فى السليم ونريح الناس اللى مش قادرة تشتغل فى الشنط عشان خاتر البطانة

ويارب يكون الاقتراح مناسب ليكم
واختارو كدة اللى يناسبكم ونشوف اراء الفريق فى الاقتراحات المقدمة لكم

وربناا ييسر لا يعسر
[ندعوك للتسجيل في المنتدى أو التعريف بنفسك لمعاينة هذه الصورة]

ده اقتراحى ويارب يكون مناسب
احنا فى البدايه فمن الافضل الاتفاق مع خياط اوخياطة لعمل البطانة ويكون من طرف العضوة عشان ميكونش فى تضيع وقت من التسويق لان التسويق مهم جدا ومحتاج وقت ومجهود كبير واكيد العضوات مش هيغلبو انهم يلاقو خياطة تعمل لهم البطانة ويتفقو معاها ان الشغل هيكون مستمر بأذن الله وده بيكون له خصم

انا مع الاستاذ خالد في الاقتراح الرابع يشوف واحده ويخصم حق بطانتها من حق الشنطه النهائي وحتكون البطانه امام الاستاذ خالد لان البطانه هي اللي بتظبط شكل الشنطه النهائي

اقتباس :

ده اقتراحى ويارب يكون مناسب
احنا فى البدايه فمن الافضل الاتفاق مع
خياط اوخياطة لعمل البطانة ويكون من طرف العضوة عشان ميكونش فى تضيع وقت
من التسويق لان التسويق مهم جدا ومحتاج وقت ومجهود كبير واكيد العضوات مش
هيغلبو انهم يلاقو خياطة تعمل لهم البطانة ويتفقو معاها ان الشغل هيكون
مستمر بأذن الله وده بيكون له خصم

بردو دة كويس ان كل واحدة تتصرف فى عمل البطانة واحنا نستلم الشغل على الفرازه ليتم التسويق ان شاءالله
اقتراح مناسب ومش بطال
ولما نشوف باقى الاخوات هيقولو ايه
وربنا يقدم اللى فيه الخير ياست الكل وبارك الله فيكى

اقتباس :

انا مع الاستاذ خالد في الاقتراح الرابع يشوف واحده ويخصم حق بطانتها من
حق الشنطه النهائي وحتكون البطانه امام الاستاذ خالد لان البطانه هي اللي
بتظبط شكل الشنطه النهائي

هو اقتراح كويس جداا بس ياترا الاقتراح الرابع دة هيتوافق مع مين ومين؟ هى دية المشكلة واكيد لما نشوف الاخوات هنحدد رائ الاغلبيه ونشتغل على بركة الله
والف شكر ياست الكل ربنا يبارك فيكى يارب

انا افضل الاقتراح الرابع

انا كمان مع الاقتراح الرابع .. لأني ساعات بروح لترزي او خياطة تعملي البطانة وللأسف بتستهتر بعمل البطانه جدا وفي الاخر بضطر اعملها على ايدي يدوي وطبعاً متطلعش حلوة ومتقنة زي ماكينة الخياطة .. ولو عملتها صح ساعات أخد معايا الشنطة ولما نكربها في الشنطة وتشوف شكلها النهائي بعض اوقات تغلي عليا السعر .. كأنها هي اللي عملتها كلها .. هههههههه

السلام عليكم ورحمة الله
عن نفسى لما بودى الشنطة لخياطة بتبوظ
وانا ولله الحمد باعرف اخيط البطانة صحيح انا مبحبش الخياطة بس لازم الشغل يكمل
وانا مع الاقتراح ان الشغل يتجمع وواحدة بس تعمل البطانة لان كدة قماش البطانة حيبقى فى مكان واحد والقماش ميهدرش لو اتفرق على كذا خياطة

بسم الله الرحمن الرحيم

بصو ياجماعة انا مش مشتركة في الحملة دي بس حبيت اقول اقتراح وهو ممكن اللي بتعرف تعمل بطانة للشنط تشرحها لباقي الاعضاء لينفذوها احسن توفيرا للوقت والسعر لان عشرة جنيه لتقفيل شنطة كتير وفعلا الخياطة او الخياط يستهتر بتقفيل شنطة او ممكن بعد ماتخلصو كل واحدة كمية الشنط اللي عملتها تبعتها مرة واحدة وتتحاسب علي الكل كدة ممكن يكون ارخص والله الموفق
والسلام عليكم ورحمة الله وبركاته

نشكرك علي المشاركه ولكن الاستاذ خالد كلامه الاول والاخير لما نشوف حيقول ايه



شكرا اختي للمشاركه

فعلا يا جماعه مشكله البطانه دى مش بس ف التقفيل دى كمان ف اختيار القماش نفسه
واعتقد انه من الاحسن ان كل واحده تتصرف هى ف موضع البطانه ده يعنى تسلم الشنطه جاهزه
اللى حابه توديها لخياطه كويسه هى بتثق فيها ماشى حابه تتعلمها وتعملها هى مافيش مشكله
دى تقريبا حل كويس للجميع لاننا بنشارك بعض والمفروض اننا نريح بعض فكل واحد شايف الحل المناسب ليه يعمله وماتنسوش ان الاتفاق من الاول كان تسليم الشنطه جاهزه من كله


بس عندى سؤال للاستاذ خالد ياترى لازم يكون عمل البطانه بالظبط زى ماكان ف الصوره ولا اى بطانه تقفلها نضيف يمشى معانا؟؟؟؟