تحديد اسعار ورائيك فى احذية البيبي لاعتمادها بشكل تجارى

السلام عليكم ورحمة الله وبركاته
بيتم تجهيز بعض الموديلات من الاحذيه الاطفالى البيبي
وديه تعتبر شغلها خفيف جداا وفيها ابداع وشايف انها هتكون كويسه اووى فى السوق ولكن فى حالة واحد فقط لو تم تجميع منها كميات كبيرة عشان نقدر نظبط مع اى تاجر والشغل هيكون مهم بالدسته


فانا كنت عايز اعرف الان للناس اللى بتشتغل فى الاحذيه البيبي

الاسعار بتكون فى حدود كام؟ للجوز

وللعلم احنا هنشتغل بالكميات وليس بالقطع

فاكرر عايز اعرف الاسعار بعد الانتهاء و المصنعيه فى حدود كام لكام ؟

مثل هذه الاحذيه

<tr></tr>







وانا اعرف ان فى صور وموديلات احسن من كدة ولكن موضوعى الاساسي عايز اعرف الاسعار لمن هيقدر ينفذ لبعض الموديلات هذة

واحب اخبركم بشئ
المنتج دة لو اتعمل كميات هتكون ضربه قاتله فى السوق وهنقدر نسوق بقلب جامد كمان وبثقه تامه
وللعلم لازم يكون الخيط للمنتج دة قوى عشان يستحمل مش اى كلام وخلاص
ولو سعر المنتج دة قليل مع نوع خيط كويس ورخيص هيكون افضل
ولازم تفكرى كويس فى ارباحك انها تكون من الكمية وليس من بالقطعة
ودة اللى بتعمله الصين بتحسب ارباحها من الكمية وليس القطعة

فى انتظار تعليقكم عشان هيتم فتح ورشة خاصة لانتاج الاحذية البيبي بمختلف انواعها بامر الله اذا كان السعر كويس

بالتوفيق

رجاء من الفريق الرد على هذا الموضوع للضرورة القصوى
عشان هيتم عمل دراسه عليه وهنشتغل فيه باذن الله
عايز اعرف متوسط الاسعار تقريبي
بالشغل اللى بدون اكسسوار
وبالشغل الساده

ماشاء الله جميل
ياريت فعلا حد يدينا اسعار تقريبيه

ماشاء الله رووووووووعه

ممكن الشكل دة يتكلف حوالى 6.5 لو شتوى

ولو صيفى ممكن يتكلف 9 جنيه او 8.5 على حسب المقاس

angle_fatakat كتب:

ممكن الشكل دة يتكلف حوالى 6.5 لو شتوى

ولو صيفى ممكن يتكلف 9 جنيه او 8.5 على حسب المقاس

يلا كمان

مجهود مممممتاز بس فعلا محتاجين اراء كمان

انا جديده فى المنتدى بس فى الشغل مش جديده انا شايفه ان ميرو حطط سعر كويس للجمله لكن فاتها حاجه مهمه ان السعر ده ينفع من شهرين لان الخيط غلى جدا جدا
متهيالى لو زودنا الى 12 جنيه بلاكسسوار هيكون ممتاز وياريت حد يشترى الاكسسوار جمله والخيط كمان عشان يكون ارخص
لان شله الخيط القطن المصرى يقت ب8ونص لكن فى الجمله ممكن توصل 7ونصلانى لسه جايبه لشغل عندى

انا مشترتش خيط من كام شهر لأني آخر مرة اشتريت كميات .. وواضح كده ان الاسعار فعلا غليت يبقى لازم تحطوا ده في الاعتبار زي ما الاخت ريم تكرمت وقالت .. وربنا يكرمكم يارب

انا معاكم ان الاسعار كلها زادت بس زى ما الاستاذ خالد احنا عايزين نثبت وجودنا الاول عى ارض الواقع ودا طبعا مكحتاج شوية تنازلات فى البداية بس لكن بعد كدة كلن هنستفاد شوفوا الصين بتفكر ازاى مكسب قليل توزيع كتير وعلى نطاق واسع فليه احنا منكنش احسن منهم

ياجماعة ممكن تستخدموا خيط كاتى هو خلايط من الحرير والقطن الساده منه 4 100جرام والجنجاهه منه ب6 وهو خيط حلو وهيوفر جدا معاكو يعنى البكروة ممكن تعمل على الاقل 2 او 3 شوز ولو هتجيبو جملة هيكون ارخص طبعا بلتوفيق

om gogototo كتب:

ياجماعة ممكن تستخدموا خيط كاتى هو خلايط من الحرير والقطن الساده منه 4 100جرام والجنجاهه منه ب6 وهو خيط حلو وهيوفر جدا معاكو يعنى البكروة ممكن تعمل على الاقل 2 او 3 شوز ولو هتجيبو جملة هيكون ارخص طبعا بلتوفيق

شكرا ليكى بس ممكن تدينا سعر تقريبى للشوز بعد المصنعية ممكن يكون كام

يعنى لو البكرة 100 هتعمل 2شوز يعنى تقريبا الشوز هيكلف من 6 الى 6ونص

انا رائى ان الصيفى 10 والشتوى 7.5 هيكون معقول والحجم الصغير ما بياخدش الشله كلها فممكن الصغير يعوض الكبير

السلام عليكم انا حديده فى المنتدى لسه شايفه الجروب امبارح وحابه اشترك معاكم ان شاء الله انا عندى خبره مش بطاله وكمان شغاله على نفسى كويس عشان ابقى احسن واعرف ناس متخصصه ممكن ناخد رايهم فى الشغل مثل نوع الخيط طريقه العمل وممكن اجيب الخمات المطلوبه جمله ياريت تقبلوتى معاكم عشان بجد الفكره حلوه جدا وعلى فكره فكرت اعمل حاجه زى كده عشان انا معايه مجموعه من 4 بنات بس المشكله عدم التسويق نفسى بجد اعمل نعاكم حاجه ايد لوحدها متسقفش وعلى كل حال ربنا يوفقم

استاذ خالد ده شغلى فى الكلوك
كويس اوى
انا بعملو بخيط صوف لشتاء
وبعملو بأكسسورات
وتكلفتو بتكون 7ج بالكسسورات وده شتوى
ومن غير اكسسورات 5ج

وبعمل كمان صيفى
المنتدى مش مخلينى انزل صور خالص كل مااجى انزل يقولى
هذا المنتدى محمي ضد الإشهار
التعسفي. لا يُسمح للأعضاء الجدد بوضع روابط خارجية أو ايميلات في
مساهماتهم خلال الأسبوع الأول من التسجيل. للمزيد من المعلومات, الإتصال
بالمدير.

اعمل ايه بقى ده ليا شغل كتير عاوزه اورهولك
فى حاجات كتير اوى يااستاذ خالد عاوزه اورهالك بس مش عرفه احطها فين
وشوفلى انزل الصور ازاى بالله عليك ياعنى بلاش اوريك شغلى

https://a3maalk.yoo7.com/t176-topic

حبيبتى ادخلى على الرابط ده هتلاقى شرح او نزلى الروابط واحنا هنشوفها بالتوفيق

https://a3maalk.yoo7.com/post

ايمى محمد كتب:

السلام عليكم انا حديده فى المنتدى لسه شايفه الجروب امبارح وحابه اشترك معاكم ان شاء الله انا عندى خبره مش بطاله وكمان شغاله على نفسى كويس عشان ابقى احسن واعرف ناس متخصصه ممكن ناخد رايهم فى الشغل مثل نوع الخيط طريقه العمل وممكن اجيب الخمات المطلوبه جمله ياريت تقبلوتى معاكم عشان بجد الفكره حلوه جدا وعلى فكره فكرت اعمل حاجه زى كده عشان انا معايه مجموعه من 4 بنات بس المشكله عدم التسويق نفسى بجد اعمل نعاكم حاجه ايد لوحدها متسقفش وعلى كل حال ربنا يوفقم

اهلا بيكى معانا فى الحملة ممكن تبتدى معانا فى عمل البوك لانوهو المطلوب حاليا

ادخلى على الرابط ده وبالتوفيق

حمد الله عي السلامه ام رانيا منوره المنتدي

Nadoo2011 كتب:

حمد الله عي السلامه ام رانيا منوره المنتدي

المنتدى منور بوجودك يا ست الكل