نقطة البداية

موضوع: نقطة البداية الأحد يونيو 19, 2011 2:13 pm

بعد التحية
اولا اشكركم علي الفكرة الممتازة
ثانيا لي عدة تسائلات ارجوا اجابة عنها
انا اشتغلت قبل كده كروشية عملت شنطة و بدات تعلم الوحدات و قراءة الباترون في الوقت الحالي
سؤالي ابدا اشتغل ايه كبداية
و بالنسبة للتكاليف علي اي اساس بتقيموا الشغل بحيث عندما اشتغل يكون بحدود ميزانية في الخامات و الوقت المستغرق للعمل
انا حاليا بتعلم شوية مع نفسي و هعرض انتاجي عندما اشعر ان انتاجي يصلح للبيع
بالنسبة للخيوط ايه اكتر نوع خيوط بيفضل كمنتج اقتصادي و يصلح للبيع
انا بشتغل بابرة صنارة صفر و صنارة 3.5 حاليا بقوم بتجربة اشغل المفارش
اشكركم جميع بالتوفيق للجميع
تحياتي

خير يا جماعة محدش اعطي ردود و لا حتي لاي سؤال
انا بستفسر علشان اقدر اقيم جدوي المشروع
لقد لاحظت تغيير لون اسمي للون المشتركين في الحملة - الازرق -
شكرا جدا لكن برجاء الرد علي تسائلاتي
اكيد ناس كتير هتسئل الاسئلة ديه من حيث التكاليف الميزانية العامة للمشروع
حيث لا يوجد مشروع بلا دراسة جدوي و هذه تقييم من تكاليف الانتاج
كتكاليف الخامات و الوقت ثم الشحن
ثم البيع سواء لتجار تجزئة او تجار الجملة او البيع المباشر و دراسة مبدئية لصافي الربح
- ايرادات و مصروفات -
انني اعرف ان حضراتكم بتقدموا خدمة التسويق مشكورين

السلام عليكم ورحمة الله وبركاته
اهلا وسهلا بيكى اختى
انا شوفت موضوع من اول ما نزل فى المنتدى
وانا كنت متردد انى ارد عليكى عشان فى الافضل منى فى المنتدى يقدر يجاوب عليكى وعلى درايه كامله بالمشروع
وفى مثل بيقول > اسئل مجرب ما تسالش طبيب
فبتالى كنت حابب اللى يرد عليكى واحدة اشتغلت فى المشروع وعارفه المشرع كويس واظاهر انهم مشغولين
===========
وانا هقول اللى اعرفه فى هذا المشروع من حيث الدراسه
المشرروع هذا يبدا بأى راس مال
من 200 جنية و 500 جنية و 1000 جنية وانتى طالعه
وفى شئ بيحكم لراس المال
وهى الخامات اللى حضرتك هتشتغلى فيها
مثلا الخيوط انواع فى المصرى وفى التركى والخ
وحسب انتاجك ما بيحتاج
بمعنى ان حضرتك ممكن تشترى ادواتك بــ500 جنية مثلا وتشتغلى وتنتجى وتبدائى بالتسويق
الارباح ايضاا فيها اختلاف
بمعنى
ان فى واحدة بتعمل منتج رخيص جدااا ومش مكلف وبترفع سعره عالى على الزبون
وفى واحدة تانية اخرى بتعمل منتج رخيص التكلفة وايضا بتبيعه بسعر رخيص
والفرق هنااا ان اللى بتبيع غالى مش هيكون معاها زبون دائم وبكدة بتخسر زبونهااا عشان سعرهاا عالى
والشخصية التانية بتبيع رخيص وديه بتكسب زبون دائم وعجلة الانتاج بتكون شغاله دئماا باذن الله
لكن الربح بيكون فى حدود كام انا مش اقدر افيدك باللى مش اشتغلت فيه فلذلك لازم نشوف رد اخت هناا فى الموضوع وتوضح ليكى الدراسة بكل بساطة ان شاء الله

اذا كنت تمشي في الظلام ومعك
مصباح يضيء لك الطريق فلا تتأخر في رفع المصباح عاليا ليهتدي معك الآخرين

فالإنسان لا يعمل لنفسه
ولكن يعمل لنفسه وللآخرين....وسعادته في
أن يبصر النجاح في يد من يحب
وإن كره أحد الانتفاع بضوء مصباحك فليذهب للسير وحده فلن يضرك
شيئا، وسيبقى نورك يشع لغيره قادم من بعيد نقطة البداية 650269930

السلام عليكم اسمحيلى ارد عليكى انا مشفتش الموضوع الا الان
طبعا الخيط نوعين تركى ومصرى التركى غالى بس انا بحبه لالوان معينه لوهيكون فى تداخل زى الاحمر والاسود عشان اللوانه ثابته
المصرى حلو بس فى اللوان يجب الحذر منها زى الاحمر والتركواز والاسود فى بعض الماركات
انتى كمبتدئه ممكن تشتغلى حاجات بسيطه زى طقم لكوك وطاقيه
او جرابات الموبيل الملابس بتحتاج احتراف وخصوصا لو هتنزل محلات
ممكن تعملى ملاساطفال بسيطه لحد ما تتعلمى لان الاحتراف بيجى مع الشغل
هتحالى تجيبى خيوطك جمله عشان سعرها يكون مناسب
وربنا يوفق الجميع

مرسي جدا علي ردودكم
هحاول اشوف اسعار الخيوط الجملة سواء المصري او التركي و اشوف اللي يناسبني كخامة و سعر و التوفيق بينهم بحيث يكون انتاج في حدود ميزانية جيدة حتي استطيع عمل منتج بسعر مناسب
انا حاليا هشتغل شغل مفارش و الجراب للموبيل و الكوفيات الحاجات التي لا تحتاج مقاسات كتيرة و مختلفة و لما اقوم بتجربة و اعرف و اتعلم اكتر هشوف موضوع الملابس لانه يحتاج شغل و دراية اكتر بالعمل و المساحة من الخيط و نوع الصنارة مقاسها بيفرق في الغرز ايضا
الف شكر مرة تاني
تحياتي للجميع و ربنا يرزق الجميع