مهم لكل الاعضاء

السلام عليكم ورحمة الله وبركاته
اهلا وسهلا بيكى اختى ميرو ويارب تكونى بخير دئماا ان شاء الله
اولا انا مرحب بأسألتك وانا على استعداد للرد عى اى استفسار او سؤال خاص بالحمله بأذن الله
======
وسؤالك هذا فى ذهن كثير من الناس وفى ناس لحد الان متردده بس مش هتحس بعمل الحملة وانتشار الحملة غير لما الحملة تنجح اكتر من كدة وينضمو لنا
اولا اختى بخصوص االثقة بيننا فهذه من عند الله لماذا؟ لان نيتناا عمل وشغل ورزق حلال من خلال الحمله واننا نرفع راس المنتج المصرى
كامثال بسيط واتمناا الكل يضعه فى الحسبان ويفتكره كويس ويفكر فيه كثيرا
من العاقل الذى يعمل منتدى او موقع ويعمل حمله ويحدث الناس وكل شخص وله ظروفه وبيرد على كل الاستفسارات و بيوجه الناس وبيحاول انه يجمع ناس من مختلف المحافظات وبيجمع معلومات من هنا وهناك وبيحاول انه يوفر خدمات مهمه لاعضاء الحمله ومحتاجنها وبيجمع مجموعات وبيجمع فريق اشراف متميز على الحملة لمتابعتها وبيحاول انه يعمل مقرات فى مختلف محافظات مصر وانه فأجأه يفكر انه يسرق احد من الحملة او ينصب عليهم ؟
اى عاقل بعد ما يعمل كل هذا وينصب على شخصيه فى الحمله؟
ولنفترض ان فى عملية نصب تمت فى الحملة على شخصيه ياتراااا انا هستفاد انى نصبت عليها كدة مدى عمرى وانى خلاص من السرقة اللى انا سرقتهااا كدة هعيش عليها طول عمرى؟ياترا هضحك على واحدة فى مليون جنية؟
اقرب مثل لو واحده تم النصب عليها فى الحمله هل تفتكرى ان الشخصيه دية هتسكت وهل ادارة الحملة هتكمل تانى فى النصب على الناس؟؟؟؟؟؟؟؟؟؟
اختى هدفنا من حملتنا العمل والثقة والضمان والتعاون عشان من غير تعاون مفيش حاجة هتم وهنفضل طول عمرنااا كدة بدون تقدم وعلى طول متاخرين
لحد الان لن ولم يوجد مصدر رسمى او غير رسمى لصناعة الكروشيه فى مصر نهائياا كل اللى شغال بيشتغل شغل على قده لكن مفكرش انه ينمي الصناعة دية فى مصر وتكون متواجده بكثرة ومكفي احتياجات السوق
لماذا لم نتعاون ونضع ايديناا فى ايد بعض ونكمل المشروع والخطوة ديه للنهاية ؟ لماذا لم نتحمل الصبر وبندور على اللى بيدفع وخلاص المهم الشغل يتباع وتفضل المسيره على كدة ويكون الشغل محدود؟
ارجو تدوير بعض اجاباتى واسالتى هذة فى ذهن كل من متردد من الحمله واكيد هيوصل لأجابه صريحه
==========
بخصوص مصاريف الشحن
اختى زى ما قولت لكم فى الحمله ان كل واحده لازم يكون مسئوله عن شغله انتى تعلمى تماما ان كل واحده لها ايد تختلف عن ايد الاخرين !!!! وفى من يستهلك خيط كثير فى منتج ضيعف وسعره يكون عالى جداا !! وفى اللى بتشتغل وبيكون فى شغلها اخطاء وتريد تسويق منتجاتهاا وهو به اخطاء !!! ياترا حضرتك لو بضاعة اتت لنا وفيها اخطاء ياتراا اللى اشتغلت هتكون عايزة الارباح مننا بسرعة ولا لا واحناا اللى هنشيل العبئ هذا وصاحبة الشغل لا تدرى باللى احنا بنعمله مع التاجر وبنحاول اننا نسوق المنتجات بطريقه فعاله ولنفترض ان الشغل فيه اخطاء مين هيشيل سبب الاخطاء هذة؟ هل الحمله ولا صاحبة الشغل فلازم نتفهم ذلك ويكون كل واحده مسئوله عن عملها لأن هذا مشروعهااا وكلنا بنساهم فيه وبنحاول نساعد
وبأختصار:
1-اى واحدة لازم تكون مسئوله عن شغلها ويكون الشغل جودة ممتازة ولا نسمح بوضع منتجات فيها اخطاء مع منتجات لا يوجود بها اخطاء تفادى كلام اى تاجر و الحفاظ على سمعة الحمله ونقدر كل من بيشتغل بضمير
2-شحن البضاعة يبدا من 10 جنيه فى مدن مصر القريبه من القاهره يعنى السعر اصلا ضعيف وصغير جداااا
الشئ الثانى احنا لما هنحول الفلوس لكم هندفع حق التحويل وبكدة احنا تعاونا بالنصف .
3- لا نجبر احد على العمل معنا كل واحده عندهاا قرار وتقدر تحدد مصيرها وربنا يسهل ويرزق الجميع اللهم امين يارب
4- اللى شاكك فى الحملة لا يشترك فيها ومش يشتت افكاره معنااا عشان نقدر نشتغل بدل تضيع وقت التشتيت هذا
5- الضامن للعمل فى الحمله فهو الله اولا ثم موقعنااا وتعاونا مع البعض
6- على الجميع يتفهم اننا بنفرز الشغل قبل وصله للتاجر ولو فيه اخطاء هيرجع تانى ونحن وضعنا لكم موضوع وقسم خاص لعرض منتجاتكم قبل ارسال اى بضاعة حتى يتم التاكد من البضاعة اللى احنا عايزنهاا وعايزين تبعتوها لنا ولا نستطيع وبترويج اى بضاعة تالفه او يوجد بها اخطاء نهائيا لأن التاجر بيفرز البضاعة امامنا ومش مستعدين لأى كلام يتوجه لنا من اخطاء ظاهرة وواضحه فى الشغل هذا مش سمك فى مياه

نتمنى ان كل واحده فى الحمله انها تعتبر ان ده مشروعهاا الخاص وأى مشروع فى الدنيا بيكون له راس مال ومنفذ تسويق فلازم يكون معك راس مال للعمل وانتاجك نحن من يسوقه لك للحصول على شغل دائم فى الحملة بأذن الله

موقعنا يعتبر اول موقع على الانترنت للعمل الجماعي وكامصنع وورشه للتصنيع والتعاون والتخطيط و الانتاج والتسويق فى مكان واحد وقد يصل الى ارض الواقع باذن الله ونشكرا الله على ذلك ثم نشكر كل الاعضاء اللى ساهمة واشتغلت و اتعملت مع الحمله منذ انشاء الحمله بكل ثقة وامان وهذا يعتبر فخر لنا وربنا يبارك فيكم يارب

اتمنى اختى تكون الاجابه واضحه لكم جميعا
وانا على استعداد للرد على اى استفسار حتى لو مش كانت الاجابه واضحه عن الحملة باذن الله
وبالتوفيق

كلامك جميل ومنطقى جداا
ربنا يبارك فيكى
ادعيلى بس اتقن الشغل لانى خايفه اشترك فى اى حمله واكون غير جديره بيها
ادعيلى وان شاء الله هكون معاكم

_ احلام _ كتب:

كلامك جميل ومنطقى جداا
ربنا يبارك فيكى
ادعيلى بس اتقن الشغل لانى خايفه اشترك فى اى حمله واكون غير جديره بيها
ادعيلى وان شاء الله هكون معاكم

على فكرة دا مش كلامى دا كلام مدير الحملة شخصيا
معلش الخوف دا بس علشان انتى فى البدية واحنا معاكى ومش هنسيب

الاخت آمة الله أم رانيا .. ده مشروع عظيم جداً ، وأنا حاولت من زمان اشتغل في موضوع الكروشيه ده بس للأسف معرفتش اسوق إلا من خلال محل ملابس كان أخي مأجره وأشتغلت فيه كويس اوي لغاية لما غير نشاطه وعرفت ان السوق صعب التعامل فيه جداً لأن التجار عايزين يأخذوا الشغل بأرخص الأسعار وحجتهم ان الشغل الصيني أرخص مننا .. المهم ربنا يوفقكم في المشروع ده .. ده شيء عظيم جداً وربنا معاكم .. بس أنا عندي استفسار صغير .. انا الحمد لله بعرف اشتغل كروشيه على قدي ، وممكن تتفرجي عليه في الفيس بوك لو عايزة احطلك الصفحة .. بس مشكلتي اني عندي طفل صغير شغلني شويتين .. ده غير أني بطيئه شويتين في شغلي .. يعني لو لقيت موديل أعرف اعمله ممكن ياخذ مني حوالي اسبوع ... ياترى انفع اشترك معاكم وأنا بطيئة كده

السلام عليكم ورحمة الله وبركاته بصى يا غاليه أنا عملت حجات كتير والحمد لله حلوة بفضل الله بس أنا مش بعرف أنزل الصور على المنتدى ودى مدونة فيها بعض من أعمالى hafedataaesha.blogspot.com

وأعتذر على وضع الرابط بس والله مش عارفة أحط صور شغلى وجزاكى الله خيرا أختى أم رانيا

نجلا بودي كتب:

الاخت آمة الله أم رانيا .. ده مشروع عظيم جداً ، وأنا حاولت من زمان اشتغل في موضوع الكروشيه ده بس للأسف معرفتش اسوق إلا من خلال محل ملابس كان أخي مأجره وأشتغلت فيه كويس اوي لغاية لما غير نشاطه وعرفت ان السوق صعب التعامل فيه جداً لأن التجار عايزين يأخذوا الشغل بأرخص الأسعار وحجتهم ان الشغل الصيني أرخص مننا .. المهم ربنا يوفقكم في المشروع ده .. ده شيء عظيم جداً وربنا معاكم .. بس أنا عندي استفسار صغير .. انا الحمد لله بعرف اشتغل كروشيه على قدي ، وممكن تتفرجي عليه في الفيس بوك لو عايزة احطلك الصفحة .. بس مشكلتي اني عندي طفل صغير شغلني شويتين .. ده غير أني بطيئه شويتين في شغلي .. يعني لو لقيت موديل أعرف اعمله ممكن ياخذ مني حوالي اسبوع ... ياترى انفع اشترك معاكم وأنا بطيئة كده

ان شاء الله ينفع بس انت ممكن تكونى مجموعة تساعدك فى الشغل لاننا محتاجين سرعة علشان نقدر نتواجد على الساحة

حفيدة عائشة كتب:

السلام عليكم ورحمة الله وبركاته بصى يا غاليه أنا عملت حجات كتير والحمد لله حلوة بفضل الله بس أنا مش بعرف أنزل الصور على المنتدى ودى مدونة فيها بعض من أعمالى hafedataaesha.blogspot.com

وأعتذر على وضع الرابط بس والله مش عارفة أحط صور شغلى وجزاكى الله خيرا أختى أم رانيا

ماشاء الله شغلك جميل جدا انا نزلتلك الصورة دى

ربنا يحفظك يا ام رانيا إن شاء الله

الأخت العزيزة آمة الله ... انا فكرت فعلا في موضوع المجموعة دي وبحاول حالياً اشوف هقدر اعمل الحكاية دي ولا لأ .. وانشاء االه اجمع عدد من صحباتي ومعارفي اللي بيعرفوا في شغل الكروشيه ونبدأ على بركة الله

السلام عليكم ورحمه الله اختي ام رانيا رمضان كريم عليكي وعلي الامه الاسلاميه اجمعين اختي انا احب الكروشيه وكنت اشتغل فيه لفتره كنت بعمل كوفيات رجالي ولكن انا تزوجت في قريه ريفيه وهذه القريه شغل الكروشيه صعب اني اقدر ابيعه زي ما كنت ابيعه لكن انا اعمل فساتين اطفال لناس اقاربي وكمان اعمل فستات وبلورهات ولكن نفسي حد يساعدني وانا نفسي اشتغل معكم في هذا المشروع لان عندي مشكله التسويق وكمان نفسي اساعد زوجي واولادي علي مصاريف الحياه الله يكرمك لا تحرميني من هذا الشرف بمعرفتكم لان بقالي اكتر من سنه بدور علي النت علي حد يفيدني في عمل هذا المشروع الي ان وفقني الله بمعرفتم اختك ام مالك من الشرقيه مينا القمح

السلام عليكم
رمضان كريم كل عام وانتم جميعا بخير وصحه وسعاده
اخواتي وبناتي اعتبر نفسي من اول اللي اشتركوا في هذه الحمله وانا اول واحده
ارسلت شغل والايام الكريمه دي هي اللي اتاخرت فيها لانكم عارفين مشاغل الشهر الكريم ويومه بيعدي بسرعه
زي مقالت الاخت الكريمه ام رانيا الحمله دي معموله ليكم للي بتشتغل ومبتعرفش تسوق وانا اول واحده اشتغل ولا اسوق
انا اتعاملت مع مدير الموقع الاستاذ خالد وارسلت له شغل مرتين وارسل لي فلوسهم لما صرفهم للتاجر وعلي اتصال دائم بيه
مفيش انسان في الدنيا يعمل موقع العالم كله بيدخل عليه وبيجري الجري ده علشان يرفع من مستوي الحمله واحنا نعمل كده
نرد له الجميل اننا نقول له واللي معاه ربنا يعينكم ويرزقكم ويرزقنا الرزق الحلال
نشتغل وننتج ونضع ايدينا في ايد بعض ونشكر ربنا ان هدي الرجل ده واللي معاه للفكره دي علشان اللي بتشتغل ومبتعرفش تسوق تلاقي نتيجه وعائد لشغلها
رمضان كريم شهر جميل وضيف خفيف بيزورنا وفي لمح البصر بيجري النهارده 21 منه يعني الشهر خلص عايزين نضع ايدينا في يد هذا الرجل ونثبت له اننا عند حسن ظنه ولا نجعله يندم علي اللي عمله
عايزين دلوقتي نتوكل علي الله ونساله في اي شغل يريده بعد العيد ونبدا ننتج وبالتوفيق
انشاء الله
بالتوفيق والدعوات الطيبه للجميع وكل عام وانتم بخير

ام مالك للكروشيه كتب:

السلام عليكم ورحمه الله اختي ام رانيا رمضان كريم عليكي وعلي الامه الاسلاميه اجمعين اختي انا احب الكروشيه وكنت اشتغل فيه لفتره كنت بعمل كوفيات رجالي ولكن انا تزوجت في قريه ريفيه وهذه القريه شغل الكروشيه صعب اني اقدر ابيعه زي ما كنت ابيعه لكن انا اعمل فساتين اطفال لناس اقاربي وكمان اعمل فستات وبلورهات ولكن نفسي حد يساعدني وانا نفسي اشتغل معكم في هذا المشروع لان عندي مشكله التسويق وكمان نفسي اساعد زوجي واولادي علي مصاريف الحياه الله يكرمك لا تحرميني من هذا الشرف بمعرفتكم لان بقالي اكتر من سنه بدور علي النت علي حد يفيدني في عمل هذا المشروع الي ان وفقني الله بمعرفتم اختك ام مالك من الشرقيه مينا القمح

اهلا وسهلا بيكى معانا فى الحملة طبعا تنورينا طيب شوفى انت عايزة تشتركى معانا فى ايه وايه اللى تقدرى تنفذيه معانا واحنا تحت امرك