شغل كروشيه مركون

أنا باحب المنتدى ده جدا ومعجبة جدا بالافكار والمشاريع الموجودة فيه وباحس انى باتشجع لانى نفسى بجد أعمل حاجة انا عندى وقت فراغ كبير جدا ونفسى استغله فى شئ مفيد وعندى هوايات كتير كروشيه وخياطة وحاجات كتير.
انا قبل مااعرف المنتدى هنا كنت اتعرفت على بنت من موقع تانى وطلبت منى شغل البوك اللى هوه نفسه شغل البوك هنا هيه تقريبا كانت عايزة يعنى تجمع شغل للبوك وتبعته انا مش عارفة بالظبط المهم انا عملت دستة بوك حروف وبعد ماخلصته احاول اتصل بيها علشان تاخده وابعتلها رسائل مابقتش ترد عليا خالص ولا تدخل النت ولا تفتح ايميلها وانا تعبت نفسى واششتريت خيوط وعملت دستة على اساس هتاخدهم ومركونين عندى بقالهم أكتر من 3 شهور .
ياريت ياجماعة حد يفيدنى ويقوللى على أى محل ممكن ياخدهم او يساعدنى فى تسويقهم
كمان انا عايزة اعرف انى لما احب اشترك فى اى ورشة انا خايفة اشترى خامات كتير واشتغل وبعدين محدش ياخدهم زى ماحصللى فى البوك البنت اتهربت منى من غير حتى ماتشوفهم رغم انى وريتها عينة من شغلى قبل مااشتغل الدستة وعجبتها جدا وقالت لى اعملى لى دستة وبعد ماعملتهم اختفت خالص
ده لينك الطلب بتاعها http://forums.fatakat.com/thread2179596
انا عايزة اعرف ازاى لما اشترك فى تصنيع حاجة معينة أضمن انها فعلا هاتتسوق؟
وياريت ياجماعة حد يفيدنى ويقوللى على أى محل ممكن ياخدهم او يساعدنى فى تسويقهم
وآسفة على الاطالة

حبيبتى احنا كنا فعلا طالبين من فترة شغل بوك الحروف بس مش عارفة حاليا مطلوب ولا لا ان شاء الله الاستاذ خالد يشوف موضوعك ويرد عليكى

متشكرة لردك ياام رانيا وياريت لو عرفتى حد عايز شغل كروشيه بلغينى

كويل كتب:

أنا باحب المنتدى ده جدا ومعجبة جدا بالافكار والمشاريع الموجودة فيه وباحس انى باتشجع لانى نفسى بجد أعمل حاجة انا عندى وقت فراغ كبير جدا ونفسى استغله فى شئ مفيد وعندى هوايات كتير كروشيه وخياطة وحاجات كتير.
انا قبل مااعرف المنتدى هنا كنت اتعرفت على بنت من موقع تانى وطلبت منى شغل البوك اللى هوه نفسه شغل البوك هنا هيه تقريبا كانت عايزة يعنى تجمع شغل للبوك وتبعته انا مش عارفة بالظبط المهم انا عملت دستة بوك حروف وبعد ماخلصته احاول اتصل بيها علشان تاخده وابعتلها رسائل مابقتش ترد عليا خالص ولا تدخل النت ولا تفتح ايميلها وانا تعبت نفسى واششتريت خيوط وعملت دستة على اساس هتاخدهم ومركونين عندى بقالهم أكتر من 3 شهور .
ياريت ياجماعة حد يفيدنى ويقوللى على أى محل ممكن ياخدهم او يساعدنى فى تسويقهم
كمان انا عايزة اعرف انى لما احب اشترك فى اى ورشة انا خايفة اشترى خامات كتير واشتغل وبعدين محدش ياخدهم زى ماحصللى فى البوك البنت اتهربت منى من غير حتى ماتشوفهم رغم انى وريتها عينة من شغلى قبل مااشتغل الدستة وعجبتها جدا وقالت لى اعملى لى دستة وبعد ماعملتهم اختفت خالص
ده لينك الطلب بتاعها http://forums.fatakat.com/thread2179596
انا عايزة اعرف ازاى لما اشترك فى تصنيع حاجة معينة أضمن انها فعلا هاتتسوق؟
وياريت ياجماعة حد يفيدنى ويقوللى على أى محل ممكن ياخدهم او يساعدنى فى تسويقهم
وآسفة على الاطالة

حبيبه فلبي

احنا قلنا كتير ان مفيش حد باخد اوامر من احد خارج المنتدي

الورشه اللي تبدا في منتج بتكون بامر من الاستاذ خالد لانه هو الوحيد اللي بيختار المنتج

وهو اللي بيحدد السعر وهو اللي بيسوق

ازاي انتي واحده تقولك اشتغلي تشتغلي ادخلي المنتدي واسالي 3 افراد موجودين لاي استفسار الاستاذ خالد وانا وام رانيا

حبيبتي دي غلطتك ولازم الاستاذ خالد يعرف بها

أنا اشتغلت والله الشغل ده قبل مااعرف المنتدى هنا

مش عارفة حاسة انى غلطت لما كتبت الموضوع ده أو انى اتفهمت بشكل خاطئ

حبيبتي قدر الله وماشاء فعل لا تسمعي لاحد الا لصاحب الحق هو اللي بيختار وهو اللي بيحدد الاستاذ خالد

ربنا يجازيكى خير ياماما نادية انا خلاص طالما عرفت المنتدى هنا مش هااتعامل غير معاكم باذن الله وان شاء الله أكون عند حسن ظنكم دائما

السلام عليكم ورحمة الله وبركاته
اهلا وسهلا بيكى اختى الفاضله
المشكلة مش فيكى المشكلة فى الاخت اللى ظهرت فى موقع فتكات
واتضح انها كانت عايزة تعمل فكرتنااا بالظبط وتقلدناا وتشتغل لحسبهااا وديه كانت انانيه عارفه ليه؟
عشان كان من الممكن انها تتتعامل معنا وتتعاون معنااا واحنا مش هنبخل عليها فى تعاونا لبعض اطلاقااا عشان كان من السهل اننا نديها شغل وتسوقو
بس هى فكرت تفكير خطا وعايزة تشتغل لحسبها فقط لا غير واكيد فى كتير حصل معاهم الكلام دة يعنى مش انتى لوحدك بس
وهى اكيد مكنتش قد المسئوليه لانها مش عرفت تسوق ! وكمان ممكن مكنش فى فرصه لها انها ممكن تضحك على حد او الله اعلم

عموما اختى الفاضله ضعى صور للبوك اللى انتى عملتيه هنا عشان اقدر اشوفو اذا كان ممكن يناسبنا ام لا
وان شاء الله خير مش تقلقى
وربنا يحفظك ويعينك ويوفقك ياارب
تحياتى لكى
وتحياتى للنائبه وأامى الفاضله نادو على ردها لكى

وبالوفيق لنا ولكم جميعااا
تحياتى لكم

متشكرة لحضرتك يااستاذ خالد ومتشكرة جدا لماما نادية ربنا يكرمكم ويجازيكم خير على اهتمامكم بموضوعى
انا سعيدة جدا بانضمامى اليكم
دى صور البوك انا عملته بخيوط صوف
http://raf3.eb2a.com/up2/?di=LPTN
http://raf3.eb2a.com/up2/?di=99ID
http://raf3.eb2a.com/up2/?di=2DRJ
http://raf3.eb2a.com/up2/?di=BI0J
http://raf3.eb2a.com/up2/?di=BA4K
ان شاء الله هاركب لهم بطانة وسوستة وممكن ازينهم بخرز او اكسسوار .يارب يعجبكم

السلام عليكم ورحمة الله وبركاته
يريت حد يفيدنى انا اعرف اعمل شنط كروشيه ولكلوك اطفال وبلوزات بس حابه اتعلم اكتر ياريت لو فى دروس او دورات فى تعليم الكروشيه هنا فى النتدى حد يعرفنى واتمنى ان استفيد من خبراتكم
شكرا