طلبية تصنيع البوك الجديد من الكروشيه اللى عايزة تشارك فى التصنيع

السلام عليكم ورحمة الله وبركاته

مرحبا بالجميع

ثلاث اشكل من البوك لمن تريد ان تشارك معنا فى التصنيع ونحن علينا التسويق

اليكم الصور الخاصة بالشكل


الموديل الاول











الموديل الثانى


































الموديل الثالث








الموديل الرابع






المنتج يعتبر بوك او محفظة


المطلوب
الان عمل كميات كبيرة من المنتج دة طبعا انا مش بحملكم فوق طاقتكم ولكن
انا بناشد اننا نشتغل بالاجماع عشان نقدر نعمل كمية محترمة ونبيعهاا فى
السوق المصرى بقلب جامد

المنتج دة ناجح جداا فى تسويقه واثبات نجاحه هى الكمية اللى هنعملهااا
========
اقل كمية من كل واحدة من المختصصين فى العمل هذا 36 قطعة يعنى 3 دسته يمكن ارساله لادارة الحملة
والحد الاقصى مفتوح
========
نوع الخيوط
لو تلاحظى ودقكى فى الصورة هيظهر لكى النوع كويس المهم يكون شكله كويس ويستحمل الغسيل عشان عرق اليد
ولا انصح استخدام خيوط غاليه لان هذا هيرفع سعر البوك
ولو تلاحظو ان البوك مش هستخدم خيوط كثيرة وبيخلص بسرعة فى انتاجة
========
بخصوص التبطين من الداخل
لازم يكون فى سوسته فى اعلى البوك ضرورى كما موجود فى الشكل فى الصورة
ولازم يكون فى بطانة من داخل البوك
ويفضل يكون مقوسم نصفين من الداخل ولو صعب مش مشكلة عمل نصفين
فلازم نتقن التشطيب من الداخل والخارج عشان يكون معانا منتج مميز فعلا وبأتقان
--------------

بخصوص الاكسسوار الموجود فى الموديل
اذا
لم يتوفر معكى الاكسسوار الموجود فممكن نفكر ونضع شئ اخر غير الموجود على شكل البوك
========
بخصوص الالوان فى كل موديل
نلاحظ ان فى موديل داخل فيه ثلاث الوان
وفى موديل لونين
وفى موديل اربعه
ونحن نريد جميع الالوان والاشكال مثل الموجود بالظبط فى الصور
لو فى عندنا ابداع واحسن من فى الصورة مفيش مشكلة ان شاء الله
ويفضل ان يكون ال3 دست اشكال والوان عشان يكون فى تنوع للاذواق
=========
من داخل البوك؟
من
المفروض اننا نعمل له بطانة صغيرة من الداخل عشان البطانة موجودة فى داخل
اى بوك بيتباع فى السوق المصرى ولازم نعمل سوسته لها ويكون من الداخل
مقسمه الى قسمين قسم بسوسته وقسم بدون سوسته عشان يكون التقفيل والشكل ومن
الداخل زى الفل
=========
بخصوص السعر ؟
طبعا مش هأكد عليكم انه مش يكون غالى عشان الكمية هتنزل للجملة مباشر
السعر كدة هيكون بالدستة وليس بالقطعة !!
الدستة بيكون فيها 12 قطعة
والى الان لم يتم تحديد السعر
فنرجو من الاخوات اللى اشتغلت الشغل دة من قبل وعندها خلفيه ممكن تقول لنا السعر التقريبى هيكون كام؟
او
اى اخت اخرى عندها خلفيه عن السعر للقطعة لو للدسته بردو مفيش مشكلة ممكن
تعرضه عليناا وطبعا هيتم تجميع الاراء والثبات على سعر موحد وكلنا نشتغل
على نفس السعر بس المهم انتظر منكم السعر التقريبى كام ؟
====================
للاعضاء الجديدة وطرق التعامل معناا عشان مش يكون فى سوء تفاهم
طرق التعامل معناااا

اولا
المنتج بيتم عرضة على تجار سواء جملة الجملة او المحلات وبيتم عرض اليهم
المنتج هذا ويوجود منهم من يدفع لنا على طول ومنهم لا يدفع الا لما يجرب
سوق المنتج لديه

فلذلك هيكون دفع حق ارباحك على حسب السوق

اذا تم بيع المنتج مدفوع على طول هيتم ارسال المبلغ لكى بأذن الله

اذا
تم بيع المنتج لأجل هيتم تحصيل المبلغ فى مدة تتراوح بين ايام3 او اسبوع
حسب السوق وطلبه وهيتم ارسال لكى المبلغ بعد استلمه من التاجر

وطبعا شكل وجودة الموديل ونيتناا والاخلاص فى العمل ربنا هيسهل لنا طريقناا وهيكرمناااا بأذن الله

===============
للاشتراك فى هذا المنتج والعمل به
ضع كام كمية هتقدرى تعمليها : ....................
تحديد الموديل اللى هتشتغلى فيه :......................
ضعى كام الوقت التى سيستغرق فى الانتهاء من التصنيع للكمية المحددة :.................
ضعى رد بالتاكيد على العمل والتصنيع فى هذا المنتج :.....................
ضعى السعر اللى هتشتغلى بيه اذا لم يتم كتابة السعر فى الموضوع هنا :............

ملحوظة مهمة : اى اخت تريد الاشتراك معناا فى هذا الموديل لازم تعمل الاول عينه من اى موديل موجود فى الموضوع وتضع صورة لنا فى نفس الموضوع هنا ليتم اعتماد الموديل او لوضع ملحوظة على المنتج وبعدها بنعرفها لتبدأ فى التصنيع

الى جميع الفريق هذا المنتج يعتبر حصرى ونريد ان ننفرد به فى السوق المصرى بكميات كبيرة
فنرجو بأبلاغ كل الاصدقاء والاقارب اللى بتعرف تشتغل كروشيه وتوجها للحمله للعمل معناااا

والتوفيق للجميع

هعمل الاول والتاني واصورهم بس الاكسسوار المستطيل ده ايه العمل فيه

بالنسبه للموديل التاني ممكن نعمله الوردات اللي في قلبها خرز دي هتليق معاه اما الموديل الاول
حاسه الوردة شكلها مش لطيف معاه انا هنزل ادور علي اقرب شكل ليه
وهجرب كده كام فكرة مبدئيا وافرجها لحضرتك

اوكى على خيرت الله اختى
وربنا يبارك فى مجهودك ياارب

كذا موديل اكتر من روعه والاكسسوارت حتلاقيها ابنتي ميرا عند

الناس اللي بيبيعوا مستلزمات الاحيه انا شوفت توك واكسسوار رائع عنهم

ماشاء الله اشكال روعة بالتوفيق استاذ خالد

حابة اشكر ماما نادية على سؤالها عليا

معلش مشاكل فى جهاز الكومبيوتر وان شاء الله تنتهى على خير

ماشاء الله اشكال روعة بالتوفيق استاذ خالد

حابة اشكر ماما نادية على سؤالها عليا

معلش مشاكل فى جها ز الكومبيوتر وان شاء الله تنتهى على خير

حلو اوي و أسهل من الأول..بس مش عارفة هقدر و لا لأ..عموما هحاول أنا و أختي ان شاء الله ننفذ حاجة كدة كتمرين..و ربنا يوفق ان شاء الله

الموضوع قمة فى الروعة والاشكال احلى من بعض حختار موديل بس هو لازم الدستة تكون كلها شكل واحد ولا اغير

ان شاء الله تقدرى يا اميرة البوك سهل جدا وربنا يعينك انت واختك ويرزقكم من حيث لا يحتسب

Nadoo2011 كتب:

كذا موديل اكتر من روعه والاكسسوارت حتلاقيها ابنتي ميرا عند

الناس اللي بيبيعوا مستلزمات الاحيه انا شوفت توك واكسسوار رائع عنهم

شكرآ ماما نادية انا هسال عليه عند بتوع الاحذية

ده اول موديل من غير الاكسسوار طبعا

السلام عليكم انا عايزة اشترك معكم فى الورشة البوك وهعمل عينة واحطها بس مش عارفة انزل الصور هنا ازى

السلام عليكم
بالتوفيق يارب للجميع
والموديلات كلها احلى من بعض ورائع
بس انا ممكن اسأل على حجم البوك حيكون كام في كام عشان نكون عارفين الحجم لا كبير ولا صغير

Nadoo2011 كتب:

كذا موديل اكتر من روعه والاكسسوارت حتلاقيها ابنتي ميرا عند

الناس اللي بيبيعوا مستلزمات الاحيه انا شوفت توك واكسسوار رائع عنهم

تسلمى يا ست الكل ربنا يبارك فيكى يارب
تحياتى لكى

امة الله ام رانيا كتب:

ماشاء الله اشكال روعة بالتوفيق استاذ خالد

حابة اشكر ماما نادية على سؤالها عليا

معلش مشاكل فى جهاز الكومبيوتر وان شاء الله تنتهى على خير

حمد لله على سلامتك اختى الفاضله ويارب تكونى بخير وبصحة جيدة ومنورة المنتدى
وديما معانا ان شاء الله
تحياتى لكى

أميرة عبد المنعم كتب:

حلو اوي و أسهل من الأول..بس مش عارفة هقدر و لا لأ..عموما هحاول أنا و أختي ان شاء الله ننفذ حاجة كدة كتمرين..و ربنا يوفق ان شاء الله

انتى تشرفى وتنورى طبعا انتى واختك ياختى اميرة
وانا فى انتظار اول انتاج لكم للحملة ان شاء الله
وربنا يعينكم يارب ويوفقكم جميعااا

ام سمسومة كتب:

الموضوع قمة فى الروعة والاشكال احلى من بعض حختار موديل بس هو لازم الدستة تكون كلها شكل واحد ولا اغير

انتى تنورى وتشرفى طبعاا
كل دسته ممكن تكون شكل واحد من موديل واحد بس الالوان بتكون مختلفه عن بعضها فى كل دسته
يعنى كل دسته يكون فيها مثلا اربع الوان وهكذا فى كل دسته ودة كان مثل
ويارب تكون وصلت المعلومة لكى
تحياتى لكى وبالتوفيق ان شاء الله

ميرا كتب:

ده اول موديل من غير الاكسسوار طبعا

رائع جداااااااااااااااااا تسلم الايادى والله
حولى تعرفينى السعر هيكون فى حدود كام عشان نعتمده ان شاء الله؟
وتحياتى لكى لمجهودك وتنفيذه فى سرعة كبيرة

ماجى رافت كتب:

السلام عليكم انا عايزة اشترك معكم فى الورشة البوك وهعمل عينة واحطها بس مش عارفة انزل الصور هنا ازى

وعليكم السلام ورحمة الله وبركاتهاهلا وسهلا بيكى اختى معنا وتشرفينا طبعا
بخصوص رفع الصور تابعى الشرح فى هذا الموضوع وجربى وهتلاقى الصور اترفعت بشكل مباشر
https://a3maalk.yoo7.com/t917-topic
واى استفسار انا فى الخدمة ان شاء الله
تحياتى لكى

نورا رمضان كتب:

السلام عليكم
بالتوفيق يارب للجميع
والموديلات كلها احلى من بعض ورائع
بس انا ممكن اسأل على حجم البوك حيكون كام في كام عشان نكون عارفين الحجم لا كبير ولا صغير

وعليكم السلام ورحمة الله وبركاته
اهلا وسهلا بيكى اختى الكريمة وانتى تشرفينا وتنورينا طبعا
بخصوص حجم البوك والافضل
الارتفاع 8 او سم9
والعرض 12 او 13 سم

وهذا هو المفضل ان شاء الله






--------------------------


تحياتى لكم
ونرجو من الاخوات اللى هتنفذ البوك وعندها المقدرة على تصوير خطوات العمل فى صور عن طريق الموبايل وترفعهم هنا فى نفس الموضوع يكون افضل وثواب لانها هتساعد المستجدين على العمل فى تصنيع هذا المنتج ان شاء الله

وبالتوفيق للجميع

تحياتي ليك يا استاذ خالد
بخصوص السعر
انا هبعت لحضرتك رسالة خاصة ولو العضوات قالوا سعر اقل من كده مفيش مشكلة طبعا

انا نفذت اول موديل هشرح خطواته كمساهمة بسيطة مني
هنشتغل سلسلة بعرض البوك اللي هو 13 سنتي انا اشتغلت 24 سلسلة طلع 15 سنتي وبعدين هعمل 3 سلسلة بمثابة اول عمود وهكمل في
كل سلسلة عمود هيصبح عندنا 25 عمود
هنفضل شغالين كده لحد الارتفاع المطلوب للبوك انا اشتغلت 16 سطر


بعد كده هنقفل الجنب ودي طريقتها سهلة خالص عبارة عن تدكيك الغرز انا عملتها بلون تاني عشان تبان الفكرة

طبعا انا هشتغل بنفس اللون ونشد الخيط ونربطه كويس


وهنكرر نفس العملية في الطرف التاني برضه

جميل اوى على فكرة تسلم ايديكى

تسلم ايدك ميرا، شرحك واضح جدا، ربنا يكرمك