خالد الطيب
Admin
الدولة : مصر ام الدنيا
الجنس : 
عدد المساهمات : 913
مجهوده فى المنتدى : 1639
شكر خاص : 19
 |  موضوع: البدء والاشتراك والتصنيع فى كوفيات الكروشيه من الان  الأحد نوفمبر 13, 2011 3:03 am | |
| تذكير بمساهمة فاتح الموضوع :السلام عليكم ورحمة الله وبركاته
اهلا وسهلا بالجميع
وتحية طيبة لكم جميعا
الموضوع خاص بتكوين وتجميع فريق لتصنيع ( كوفيات الكروشيه)
انا اعلم ان فى صور كروشيه كثيرة جدااا
سواء على صفحات الانترنت او من ابداعتكم الخاصة
فتم فتح الان ورشة تصنيع الكوفيات بمختلف انواعها بحلول الشتاء
فنطرح لكم كيفية التعامل معنااا للمستجدين عشان مش نقع فى مشاكل مع البعض لقدر الله
نحاول بقدر الامكان اننا ننتج كمية كبيرة من الكوفيات فى اقرب وقت ممكن عشان ناخد مكان فى التسويق ومجال التسويق قبل انتهاء الشتاء
فكلنا نعلم ان الكروشيه بياخد وقت فى التصنيع
وايضاا كما تعودنا على موقعنا وفى حملتنا اننا بنتعاون جميعااا وبنتحد مع بعض وبنجمع الشغل من الجميع بحيث ان يكون معانا
كمية كويسة من الكوفيات ونقدر نسوقها بقلب جامد لأن التاجر اللى يهمه ان يكون فى كمية فى اى وقت فلذلك لازم الكل يعلم بذلك
وغير ذلك ممكن يحصل مشاكل فى التسويق وبيكون ضعيف ودة لو الكمية قليلة وان شاء الله مش هنوصل لهذا
بخصوص السعر
طبعا اخواتى مش تنظرو على الحملة لنكم هتبيعو وخلاص لالالالا
لازم نكون عارفين كويس ان اللبضاعة بتوصل الى التاجر لكذا يد فبتالى السعر بيزيد
فلازم يكون سعر الكوفيه فى المعقول عشان اادارة الحملة التسويقية تقدر تسوق لاى تاجر بدون اى مشاكل وعشان ايضاا مفيش اى حد من الورش الاخرى تضرب سوقناا بسعرهااا فلازم نضع هذا فى الحسبان
طريقة التعامل معنا
كما تعودنااا من قبل على موقعنا
بعد الانتهاء من تصنيع الكوفية والعدد المطلوب من كل واحدة بيتم ارسال البضاعة على عنوان ادارة الحملة التسويقة لدى الموقع
ودة بيتم الاعلان عنه بعد الانتهاء من التصنيع
بعد ذلك الادارة التسويقية للحملة بتستلم البضاعة وبتم عملية التسويق على التجار سوا الجملة او المحلات العادية
وهنا بيكون فى طريقتين للتعامل مع التاجر
1- بيتم عرض البضاعة على التاجر فالتاجر بيشترى البضاعة مننا وبيتم تحصيل حق البضاعة ثم بعدها بيتم ارسال حق البضاعة على الاخت صاحبة البضاعة او على فريق الكروشيه اللى منضمين لنفس المنتج وبيتم ارسال المبلغ عن طريق البريد المصرى وتقدرى تستلمى ارباحك فى نفس اليوم او تانى يوم حسب الوقت لدى البريد المصرى ودة مضمون ومجرب مع بعض الاخوات من قبل
2- بيتم عرض البضاعة على التاجر الثقة واللى احنا عارفينهم كويس وحبب انه يجرب البضاعة الاول ويشوف سوق المنتج لديه وبعد ما البضاعة ما بتتباع بيتم تحصيل المبلغ من التاجر وبيتم ارسال المبلغ كما ذكرت مسبقااا فى الجزء الاول عن طريق البريد المصرى
ولازم نعرف ونفهم كويس ان اى مشروع نجاحه هو التسويق كلما ذادت عملية التسويق كلما ذادت ارباح المشروح وايضاا ضمان استمرار عجلت الانتاج طوال الايام ومن هنا تقدرى توسعى مشروعك ويكبر
مشروع بدون تسويق = صعب نجاحه
مشروع بتسويق = نجاح مستمر
ويارب تكون وصلت لكم المعلومة وكيفية العمل معناا من خلال الحملة لعدم والوقوع فى الخطأ
----------
نرجع للموضوع الاساسي الان والمطلوب
من المفترض اننا هننتج بكميات
فكل واحدة مطلوب منها 24 كوفيه كل 6 قطع استايل معين بمختلف الوانه
واللى تقدر تعمل اكتر من كدة مفيش اى مشكلة
لو عدد المشتركين زاد فى الحملة ممكن نخفض عدد الكوفيات المطلوبة الى 12 قطعة فقط بحيث ان يكون فى سرعة فى الوقت والانتاج واحنا هنبلغكم بهذا
بخصوص التصميم كل واحدة تضع صورة التصميم اللى بتقدر تعمله لان المطلوب اذواق الناس فكلما كتر اذواق الناس كل ما كان احسن وفى طلب على منتجاتنا على حساب اذواقهم
انواع الخيوط
لا نريد الخيوط الغالية ذات اسعار عالية فهذا هيسبب لارتفاع سعر الكوفية لدى التاجر ودة مرفوض الا بالطلب فقط
فنرجح العمل يكون فى نوع خيط كويس ويكون رخيص ويكون له لون وقوة استخدام قوية وموجود هذا وانتم تعلمون اكثر منى
بخصوص السعر
اتمنى بعدم رفع السعر على الحملة نهائيااا عشان نقدر نبيع منتجاتنا مع التاجر ويكون التعامل بينكم وبين التاجر مستمر وليس كامجرد التخلص من البضاعة وخلاص فنرجو بوضع اسعار تناسب البيع والشراء ونرجو ايضا حساب الربح من الكمية مش فى القطعة
الفنش والتشطيب
مش هوصيكم لأن المنتج بأسمكم وباسم الحملة وبأسم صنع فى مصر ولا نريد قطعة واحدة فيها مشكلة لاننا مش هنسمح بذلك وعدم خلط الشغل اللى فيه مشاكل بالشغل السليم لدى الاخوات الاخرين فنحن واخدين بالنا من هذا !
ولا نريد اى شغل متخزن فترات كبيرة وفيه مشاكل وتريد ان ترسلها لنا فأرجح بعدم ارساله لانه سوف يرجع مرة اخرى
وايضا
لا نريد اصحاب الورش الكبيرة ان وجد بالتعامل معنا فى التسويق نحن نتعامل مع الذين يريدون التسويق فقط بصفه شخصية ولا نتعامل مع شركات او مصانع فنحن ندعم اصحاب الحرف اليدوية الذين يبداون الطريق ومحتاجين تسويق بالفعل !
والان
من تريد الاشتراك تتضع لنا التالى
صورة الكوفية اللى بتقدر تعملها او الرابط الخاص بالصورة : ---------------------
نوع الكوفيه : اطفالى او حريمى او رجالى ؟------------
مقاس الكوفيه:--------------
سعر الكوفية:----------------
المدة اللى ممكن تخلص فيها الكوفيه: ------------------
بعد ذلك انتظرى حتى نرد عليكم فى نفس هذا الموضوع بالموافقة على تصنيع منتجاتك ام لا
لان فى بعض الموديلات لا تصلح للسوق ولكنها خاصه فقط
فاتمنى المشاركة من الجميع لسرعة الانتاج بكميات كبيرة
وبالتوفيق للجميع
اذا كنت تمشي في الظلام ومعك
مصباح يضيء لك الطريق فلا تتأخر في رفع المصباح عاليا ليهتدي معك الآخرين
فالإنسان لا يعمل لنفسه
ولكن يعمل لنفسه وللآخرين....وسعادته في
أن يبصر النجاح في يد من يحب
وإن كره أحد الانتفاع بضوء مصباحك فليذهب للسير وحده فلن يضرك
شيئا، وسيبقى نورك يشع لغيره قادم من بعيد  | |
|
الرئيسية 
المنشورات 
