اقتراحى لانتشار اشغال الحملة باسرع وقت

انا عندى اقتراح يارب يعجبكم
وهو ان الشغل بتاع الحملةيتوزع مباشرة للمحلات وده للاسباب الاتية
1= بيع المنتج للتاجر بجملة الجملة هيفتح للحملة مجال اكتر للطلبات لان التاجر هيستفاد حاجتين طبعا اولها السعر الاقل وان البضاعة بتوصلو لحد المكان
2=لما التاجر هياخد بسعر اقل هيبع بسعر اقل ودا طبعا هيكون مساهمة منا لمراعاة الظروف الاقتصادية اللى بتمر بيها البلد
3=واخيرا ان البيع المباشر( بدون وسيط) اثبت فاعليتة فى انتشار اى منتج
مع تحياتى لادارة الحملة

السلام عليكم
طبعا اقتراح رائع وكويس واحناا كنا بنفكر فيه
بس اللى مخليناا ااننا نفتح مجال مع تاجر جملة الجملة هو انه بيريحناا وبياخد كميات كبيرة وهو بيوزع
اما لو الشغل مباشر من الحملة الى التاجر او المحلات على طول فدة بيحتاج تسويق اكبر ووقت بس فى النهاية بيكون كويس فهلا كما انتى ذكرتى بالفعل ان السعر هيكون مناسب
وانا بحاول بامر الله تعالى ان اظبط الموضوع دة وهيكون فى البداية على المحلات مباشر وهعمل كروت للحملة بحيث التاجر لما يعوز شغل يكلمنااا بس بردو لازم يتفتح مقر فى مكان بحيث هو المسئول عن البيع والشراء للحملة ودة بردو بندرسه اننا نفتح مقر بس لما نتاكد من فعاليات الحملة اكتر من كدة عشان يكون دة التعامل بيننا مستمرة وطول الوقت ان شاء الله
وطبعا اقترحكم اعتبروه اعتمد من الادارة و هنحاول نسوق على المحلات بشكل مباشر
وكمان بفكر اعمل كتالوج لبعض اعمال الحملة والموديلات المتوفرة واللى ممكن تتعمل والتاجر هيتفق معانا على الموديل اللى هو عايزة واحناا نوفرة ايه رئيكم؟
او ممكن يكون من خلال الاب توب بيتم تجميع بعض اعمال الحملة عليه وبيتم مشاهدة التاجر الموديلات اللى بنفذهاا وبنشوف هو عايز ايه بظبط واحناا بردو بنفذه

فى اقترحات كتير بس محتاجين شوية وقت وانضمام مزيد من الاعضاء للحملة عشان تكون حملتنا بالفعل قد كلمتنا مع اى تاجر واننا نقدر نصدر كميات خارج مصر ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

ماهو رايكم في انشاء سوق خاصة بمنتوجات الاعضاء على النات فهكذا لا نقتصر على السوق المصرية فقط بل نتوسع على نطاق اكبروالادارة هي التي تكون وسيط بين البائع والمشتري وهي التي تحدد الاسعارو تاخذ كل القرارات فكل المعاملات تكون عن طريق الادارة

اقتباس :

حلو اوى
عندى سؤال للاستاذ خالد
دلوقتى
التسويق هايكون فى اى محافظات
يعنى هايقتصر على القاهرة فقط ولا الحملة
ليها مندوبين يوزعوا على محافظات مصر كلها ؟؟

الله يكرمك ياارب
هو حالياا التسويق بيتم فى محافظة محافظة عشان عدد الشباب المندوبين قليل وبيتم توسيع المجال اكثر من ذلك فى التسويق والحمد لله لحد الان الوضع تمام وبيتم الاعلان عن مندوبين تابعين للحمله فى مختلف المحافظات عشان نساعد فى انتشار منتجاتنا فى المحافظات ويوم السعد لما نشوف شغلنا مع الناس وهى ماشيه ونفتخر بهذا احساس جميل جداا ومجربه وهتشوفوه قريب باذن الله لما يتم توسيع نطاق التسويق فى مختلف المحافظات بطريقة اوسع من دلوقتى
وللعلم الان بردو بيتسوق منتجاتناا عادى جداا ومفيش اى ضرر بأذن الله ونتمنى انه يتوسع اكتر من ذلك والبركة فيكم وفى شغلكم
[ندعوك للتسجيل في المنتدى أو التعريف بنفسك لمعاينة هذه الصورة]