زود ربحك من موقعك

التسويق الالكترونى مش موضوع وهمى ولا هو زى التسويق الشبكى

ده كان ردى لاحد عملائى لما سئل انا بعمل ايه بالظبط فى التسويق . يا جماعه التسويق الالكترونى علم ليه خطوات لازم تبدأ بيها . والخطوات ديه سهله فى الكتابه لكن صعبه ومرهقه فى التنفيذ يعنى اول واهم حاجه هى التوافق مع محركات البحث والنقطه ديه تحديدآ بتاخد وقت فى الاعداد لان الى بيشتغل صح بيعمل بحث عن نفس المجال للمشروع الى بيسوقله وبعد كده بيطلع اقوى واضعف كلمات البحث عشان يتم تضمينها فى الموقع بكود محدد ويتم الشغل على المواضيع الى بتتكتب بعدين على الموقع بشكل دائم ويكون ده سياسه عامه للناس الى حتكون مسئوله عن الموضوع.

الخطوه التانيه هى الادراج فى الادله الالكترونيه والادله ديه عدد كبير وضخم ومفيده لانه بتجيب معدل زيارات كويس للموقع وده طبعا مفيد لان الزياره من الدليل غالبا بتكون من عملاء مهتمين او على الاقل ليهم هدف فى الشراء مستقبلا .

ملحوظه انا طبعا بسوق لنفسى وفعلا بستقبل ايميلات كل يوم من عملاء بيسئلو عن طبيعة عملى او الميزاينه والمهم ان التسويق للتسويق الالكترونى هو موضوع صعب لانك عايز توصل للمهتمين عن التسويق الالكترونى تحديدا لكن لما بسوق لمجالات اخرى المردود بيكون اعلى من التسويق لنفسى بكتير وده لاحظته لما سوقت لشركات العقارات ومستحضرات التجميل و المتاجر الالكترونيه .

الخطوه الثاثله هى الاسواق الالكترونيه واشهرهم على الاطلاق هو على بابا لكن فى اسواق كتير قوى عربيه بدأت من فتره ورسخت نفسها فى السوق وللعلم كتير من الاسواق ديه الناس بتستخدمها لكن محدش يعرف ازاى يدرج بضاعته وخدماته عليها وده شغلى لانى بفتح حساب غير محدود معاهم وبضمن كل العملاء الى عندى ودخل منتجاتهم وخدماتهم بحسابات املكها

كل الى فات اهم الخطوات على الاطلاق ليه!!!! لان الخطوات ديه بترسخ الموقع على الانترنت لان بيكون عنده كلمات بحث داخل الكود و ادرج نفسه فى مواقع تانيه الناس بدور فيها على حاجات معينه وكمان محركات البحث بتطلع فى نتائجها والاسواق الالكترونيه كمان ديه حاجه فى غاية الاهميه لانها زى السوق الفعلى الى كلنا بنزوره عشان نشترى او عشان ناخد قرار فعلى فى مرحلة شرائنا ( الرزق بيد الخالق )

انا بستخدم فى التسويق الالكترونى 15 خطوه عشان اسوق لاى موقع وطبعا كتبت 3 خطوات منهم وباقى الخطوات حكتبهم فى رؤوس مواضيع فقط بس اهميتهم بتتساوى مع ال 3 خطوات الى فاتو لان الخطوات ديه هى الى بتنشط الذاكره لمحركات البحث و الموقع والزوار والعملاء ألخ....

البريد الالكترونى (قائمة العميل نفسها انا لا اسوق للايميلات البالك لانها غير مفيده - لو حد عنده ايميلات لمليون شخص حيشترى منك يبقى هو يسوقلك بـ 300جم عشان يبعت الايميلات بس ولو الكلام ده صح كان يبعها لكل عميل عندو بـ10000جم للمره الواحده )
المنتديات , المدونات (انا بنشىء مدونات مختلفه ليها نفس مواضيع الموقع الرسمى وبسوق ليها برضو لانها صديقها لمحركات البحث وصدقونى المدونات بتسبق الموقع فى الرانك ) , الفيسبوك طبعا ,تويتر ( فيه شوية اسرار بس العرب مش عارفنها),لينكدأن وده مهم لانى بعمل شخصيه للشركه على مجتمع كل الى فيه ناس خبراتها كبيره وليها شبكة علاقات واسعه ,الصور,الفيديو,المقالات,مقالات تثقيفيه عن نفس المجال, كتب ,المسابقات وده حسب مجال الشركه,الالعاب بس الخطوه ديه يفضل تكون للشركات الكبيره لان ترويجها بيكون على اساس حجم خطة التسويق الالكترونى نفسه .

ولو حد عايز ملف تعريفى انا عمله عن طريقة شغلى ممكن يراسلنى على البيانات الى تحت

Skype: mohammed.karam81